بیرون ملک بسنے والے پاکستانیوں کو وطن کے سفیر سمجھتے ہیں،پرویز الہی

وزیر اعلیٰ پنجاب پرویز الہٰی سے سکاٹ لینڈ کے ق لیگی صدر شبیر شاہ نے ملاقات کی-

باغی ٹی وی : ملاقات میں ملکی سیاسی صورت حال سمیت دیگر معاملات پر گفتگو کی گئی، اس موقع پر پرویز الٰہی کا کہنا تھا بیرون ملک بسنے والے پاکستانی ہمارا قیمتی اثاثہ ہیں، ملکی معیشت کی مضبوطی کے لیے اوور سیز پاکستانیوں کی خدمات فراموش نہیں کر سکتے۔

پی ٹی آئی اسٹوڈنٹ ونگ کے سابق رہنما کا اعترافی بیان میں شرمندگی کا اظہار

پرویز الہی نے کہا کہ عمران خان کے دور میں اوورسیز پاکستانیوں کو ووٹ کا حق دیا،وفاقی حکومت نے اوورسیز پاکستانیوں کو ووٹ کے حق سے محروم کیا،وفاقی حکومت اوورسیز پاکستانیوں کے حقوق کی قاتل ہے-

رہنما ق لیگ نے کہا کہ ہم بیرون ملک بسنے والے پاکستانیوں کو وطن کے سفیر سمجھتے ہیں،بیرون ملک بسنے والےحکومتی اتحاد میں شامل کسی جماعت پر اعتبار نہیں کریں گے، اوورسیز پاکستانیوں کے مسائل کے حل کیلئے جامع پالیسی لا رہے ہیں-

وزیراعظم شہباز شریف نے سیلاب متاثرین کی مدد کے لیے امدادی فنڈ قائم کر دیا

دوسری جانب وزیراعلی پنجاب نے صوبائی کابینہ کے لیے اراکین اسمبلی کو وزارتیں سونپ دیں، نوٹیفکیشن بھی جاری کر دیا گیا ہے آج 21 اراکین اسمبلی صوبائی وزیر کی حیثیت سے حلف اٹھائیں گے، گورنر پنجاب آج دوپہر 12 بجے صوبائی کابینہ سے حلف لیں گے جس کی تصدیق ترجمان گورنر پنجاب کی طرف سے کی گئی ہے گورنر پنجاب کا کہنا ہے کہ ہم نے آئینی اور جمہوری ذمہ داری پوری کرنی ہے، جمہوری روایات کو برقرار رکھیں گے۔