بیرون ملک سے آنیوالے شخص کی بے احتیاطی،خاندان کے 6 افراد میں کرونا کی تشخیص
باغی ٹی وی کی رپورٹ کے مطابق پنجاب کے علاقے سرائے عالمگیر میں ایک ہی خاندان کے 6 افراد میں کرونا وائرس کی تشخیص ہوئی ہے
سرائے عالمگیر کے نواحی گاؤں سمبلی میں 15 روز قبل سپین سے لوٹنے والے شخص میں کرونا وائرس کی تشٰخیص ہوئی،سپین سے واپس آنے والا شخص علاقہ بھر میں لوگوں سے ملتا رہا اور لوگ بھی اسے ملنے کے لئے آتے رہے، جب اس میں وائرس کی تصدیق ہوئی تو اسے آئسولیشن وارڈ میں منتقل کر دیا گیا
بعد ازاں اس کے خاندان کے ٹیسٹ کئے گئے تو 5 افراد میں کرونا کی تشخیص ہوئی،جس کے بعد پاک فوج اور پولیس نے متاثرہ علاقے کو سیل کر دیا ہے، کسی کو بھی اس علاقے میں آمدورفت کی اجازت نہیں،پورے گاٶں کو مکمل طور پر سیل کردیاگیا ہے
اسسٹنٹ کمشنر نے گاؤں سیل کرنے اور کوروناکے 6مریضوں کی تصدیق کرتے ہوئے کہا کہ پورے خاندان کوگجرات قرنطینہ میں رکھا گیا ہے۔
پاکستان میں کرونا وائرس کے مریضوں کی تعداد 1102 ہو گئی
کمانڈ اینڈ کنٹرول سنٹرنے کورونا سے متاثرہ افرادکے نئےاعدادوشمار جاری کردیئے،اسلام آباد میں کیسز کی تعداد 25 ہوگئی،پنجاب میں کورونا وائرس سے 323،سندھ 417،خیبرپختونخوا میں 121 متاثرہ افراد ہیں،بلوچستان میں 131،گلگت بلتستان میں 81 اور آزادکشمیر میں ایک کیس رپورٹ ہوا ہے
متاثرہ 21افرادصحت یاب ہوگئے ہیں،کورونا وائرس سے ملک بھر میں ہلاکتوں کی تعداد 8 ہے،کورونا وائرس سے متاثرہ 5 مریض کی حالت تشویشناک ہے،
برطانیہ میں کرونا سے مسلمان سب سے زیادہ متاثر، جنازوں کے اجتماع پر بھی پابندی
بھارت کی انتہائی اہم ترین شخصیت کرونا سے خوفزدہ، کروائے گی ٹیسٹ
بھارت میں کرونا وائرس کے مریضوں میں اضافہ، کتنے مریض ہوئے صحتیاب
کرونا وائرس کا خدشہ، مساجد کو تالے لگ گئے، نمازیں گھر پر پڑھنے کا حکم
وزیراعلیٰ پنجاب عثمان بزدار کی ٹویٹ کے مطابق پنجاب میں کورونا کے مریضوں کی تعداد 323 ہو گئی جن میں 176 زائرین بھی شامل ہیں۔ گجرات میں 21، گوجرانوالہ میں 8، جہلم میں 19، راولپنڈی 4، ملتان میں 4، فیصل آباد میں 2، منڈی بہاوالدین، نارووال، رحیم یار خان اور سرگودھا میں ایک ایک مریض میں وائرس کی تصدیق ہوئی ہے
