جائیداد کا تنازعہ: بیٹے نے باپ کو بھرے بازار میں خنجر سے ذبح کر دیا

وزیر آباد: جائیداد کی خاطر بیٹے نے باپ کو دن دیہاڑے بھرے بازار میں خنجر سے ذبح کر دیا-

باغی ٹی وی : میڈیا ذرائع کے مطابق جی ٹی روڈ نزد گرلز کالج کا رہائشی اسکوارڈن لیڈر (ر) وارث اقبال بیگ پرانی غلہ منڈی میں دوست کی دکان پر آرہا تھا کہ اس کے 20 سالہ بیٹے مصطفی وارث نے خنجر سے اچانک حملہ کر کے اس کی شہ رگ کاٹ دی۔

خیبرپختونخواہ میں جرائم، لڑکوں کے ساتھ بدفعلی کے واقعات ،مردان کا پہلا نمبر

اطلاع ملنے پر ایس ایچ او سٹی فرخ لطیف نفری کے ہمراہ موقع پر پہنچ گئے، ملزم موقع سے فرارہو گیا جسے پولیس نے پیچھا کر کے اسلام آباد موڑ سیالکوٹ روڈ سے گرفتار کر کے تھانہ سٹی جبکہ لاش اسپتال منتقل کر دی ملزم نے چند سال قبل بھی بڑی عید پر باپ پر قاتلانہ حملہ کیا تھا جس میں شدید زخمی ہوگیا تھا۔

ذرائع کا کہنا ہے کہ مقتول کا اپنی سابقہ اہلیہ نورین کے ساتھ کروڑوں کی اراضی کی ملکیت کا تنازع چلا آ رہا تھا، مقدمہ مقامی عدالت میں آخری مراحل میں تھا۔

جاپان کے سابق وزیراعظم انتخابی جلسے میں دوران خطاب گولی لگنے سے چل بسے

واضح رہے کہ گزشتہ روز پنجاب کے صوبائی دارالحکومت لاہورداتا دربارکے قریب گھر سے بہن بھائی کی پھندہ لگی لاشیں ملی تھی 30 سالہ بھائی طالب کی نعش کو ہسپتال مردہ خانہ منتقل کر دیا گیا تھا گھر کی مزید سرچنگ کرنے پر تالہ لگی بالائی منزل سے 25 سالہ زینت فاطمہ کی نعش ملی تھی پولیس اور فرانزک ٹیموں کی طرف سے شواہد اکھٹے کیے تھے ایس پی سٹی اخلاق اللہ تارڑ کا کہنا تھا کہ تمام پہلوؤں کو مدنظر رکھتے تفتیش کی جا رہی ہے تحقیقات و کاروائی عمل میں لائی جا رہی ہے-

وزیر اعلیٰ پنجاب حمزہ شہباز نے بھائی بہن کے قتل کے واقعے کا نوٹس لیتے ہوئے،وزیر اعلیٰ پنجاب نے انسپکٹر جنرل پولیس سے رپورٹ طلب کرلی-

داتا دربار کے قریب گھر سے بہن بھائی کی پھندہ لگی لاشیں برآمد