وزیراعلیٰ سندھ سیدمرادعلی شاہ کی زیر صدارت سکھرڈویژن کااجلاس ہوا،
اجلاس میں پیپلزپارٹی سندھ کےصدرنثار کھوڑو،پیپلزپارٹی سندھ کےجنرل سیکریٹری وقارمہدی،صوبائی وزراء، شرجیل انعام میمن،ناصرشاہ، سعیدغنی،جام خان شورو،حاجی علی حسن زرداری،جام اکرام اللہ،ایم این اے ڈاکٹرنفیسہ شاہ اوردیگر شریک تھے، وزیراعلیٰ سندھ سید مراد علی شاہ نے سکھر میں تقریب سے خطاب کرتے ہوئے کہا کہ چیئرمین بلاول بھٹو زرداری نے انتخابی مہم کے دوران وعدے کئے تھے، چیئرمین بلاول بھٹو نے کہا تھا کہ سندھ حکومت پارٹی کارکناں کی مرضی سے چلے گی، آج کے اجلاس میں تین اضلاع کے کارکنان موجود ہیں، مجھے بڑی خوشی ہے کہ آپ سب کی تجویز لی ہیں، آپ کے ضلع کے تمام یونین کونسلز کی ترقی کارکنان کی تجاویز کے مطابق کی جائے گی، وزیراعلیٰ سندھ نے کارکنان کو ہدایت کی دی کہ وہ سوچ سمجھ کر ترقیاتی کاموں کیلئے تجاویز دیں آپ نے زرعی پانی کا مسئلا بتایا اسکو حل کرنے کی کوشش کرینگے، بیروزگاری ایک بڑا مسئلہ ہے جس کو حل کرنے کیلئے سندھ حکومت کوشاں ہے، باردانہ کی شکایات ملی ہیں جس کیلئے وزیر خوراک کو حل کر کرنے کی ہدایت کی ہے، بلدیاتی اداروں کے حوالے سے جو مسائل اٹھائے گئے وہ وزیر بلدیات حل کریگا،
اجلاس کے بعد میڈیا سے بات کرتے ہوئے وزیراعلیٰ سندھ سید مراد علی شاہ کا کہنا تھا کہ گزشتہ سال گندم کے مسائل نہیں ہوئے تھے، گندم کے معاملے پر وزیراعظم نے کمیٹی بنائی ہے، جو بھی ملوث پایا گیا اس کو سزا ملے گی،اس وقت گندم لینے کیلئے کوئی تیار نہیں، ہمارے گوداموں میں 4لاکھ ٹن گندم موجود ہے، گندم کا مسئلہ پچھلے سال کیوں نہیں ہوا؟ حالات اچھے ہیں یا برے اس پر بحث نہیں کرنا چاہتا، دسمبر 2023ء کے بعد سے حالات زیادہ خراب ہونا شروع ہوئے، عہدہ سنبھالنے کے بعد پہلی میٹنگ ہی امن و امان پر کی تھی، جو ہتھیار چاہیے تھے فروری میں اس کی اپروول ہوئی، آپریشن میں پنجاب پولیس کی پوری مدد کی، جس میں ڈاکو بھی مارے گئے، حالات میں بہتری لانے کی پوری کوشش کر رہے ہیں، ڈاکوؤں کے خاتمے کے لیے مقامی لوگوں سے بھی مدد لی جا رہی ہے، بجٹ بنانے کی تیاری میں مصروف ہیں، عوامی ترجیحات کو دیکھ کر بجٹ بنانا چاہتے ہیں،
8 ججز کو پاؤڈر والے دھمکی آمیز خط،شیر افضل مروت نے الزام ن لیگ پر لگا دیا
اسلام آباد ہائیکورٹ کے ججز کو دھمکی آمیز خطوط بھیجنے کا مقدمہ درج
اسلام آباد ہائیکورٹ ججز کے خط کے بعد نئی صورت حال سامنے آگئی
عمران خان کو رہا، عوامی مینڈیٹ کی قدر کی جائے،عارف علوی کا وکلا کنونشن سے خطاب
جماعت اسلامی نے اسلام آباد ہائی کورٹ کے ججز کے لیے بنائے گئے انکوائری کمیشن کو مسترد کر دیا۔
ججز کا خط، سابق چیف جسٹس تصدق حسین جیلانی انکوائری کمیشن کے سربراہ مقرر
ہائیکورٹ کے 6 ججز نے جو بہادری دکھائی ہیں یہ قوم کے ہیرو ہیں،اسد قیصر
