رائے پور : بھارتی ریاست چھتیس گڑھ گائے کے پیشاب کی سرکاری طور پر خریداری کرنے والا پہلا صوبہ بن گئی ہے۔
باغی ٹی وی : بھارتی میڈیا کے مطابق ریاستی وزیر اعلیٰ بھوپیش بگھیل نے پانچ لٹر گو موتریعنی گائے کا پیشاب بیچ کر 20 روپے کی آمدن کے ساتھ اس منصوبے کا افتتاح کیا، افتتاح کے موقع پر وزیر اعلیٰ بگھیل اپنے گھر سے گائیوں کا پیشاب لے کر ایک خریداری مرکز پہنچے تھے،انہوں نے پانچ لٹر گؤ موتر فروخت کیا اور رقم چیف منسٹر ریلیف فنڈ میں جمع کرادی۔
دنیا کا اب تک کا سب سے مختصر ترین دن ریکارڈ
رپورٹ کے مطابق کانگریس کی حکومت والی ریاست چھتیس گڑھ نے گائے کے فضلات کی خریداری کو توسیع دیتے ہوئے اب گائے کے پیشاب کی خریداری کا بھی باضابطہ آغاز کر دیا ہے اس کے لیے ریاست کے کئی اضلاع میں باضابطہ مراکز قائم کیے گئے ہیں، جہاں بالخصوص گؤ شالاؤں میں رکھی گئی گائیوں کے پیشاب خریدے جائیں گے۔
چھتیس گڑھ کے وزیر اعلیٰ بھوپیش بگھیل نے بتایا کہ گائے کے پیشاب کی خریداری کا سرکاری ریٹ 4 روپے فی لٹرمقرر کیا گیا ہے پہلے روز لوگوں نے گائیوں کا 2300 لٹر پیشاب فروخت کیا گؤ شالہ کمیٹیوں اورخود امدادی گروپوں کو گؤ موترکی خریداری کی ذمہ داری سونپی گئی ہے۔
سروگیسی کے ذریعے انسانی اسمگلنگ کے الزام پر 3 سال قید کی سزا
وزیر اعلیٰ بگھیل کے مطابق گائے کے پیشاب سے ‘برہم استرا‘ نامی جراثیم کش محلول اور ‘جیوامرت‘ نامی کھاد تیار کیے جائیں گے انہوں نے بتایا کہ اس اسکیم کے تحت سماج کے تمام طبقوں کے لوگ گائے کا گوبر 2 روپے فی کلو کے حساب سے فروخت کر رہے ہیں۔ پچھلے دو سالوں میں، 300 کروڑ روپے سے زیادہ کی رقم گائے کے گوبر فروشوں، گوٹھن کمیٹیوں اور خواتین کے گروپوں کے کھاتوں میں منتقل کی گئی ہے-
واضح رہے کہ ریاستی حکومت نے گائے کے فضلات کی خریداری کی اسکیم کا آغاز سن 2020 میں کیا تھا۔ وہ پہلے ہی 2 روپے فی کلوگرام کے حساب سے گائے کا گوبر خرید رہی ہے اس گوبر کو نامیاتی کھاد بنانے کے لیے استعمال کیا جاتا ہے۔
