fbpx

بھارتی اداکارہ کا خاندان کی کفالت کرنے والی رکشہ ڈرائیورخاتون کو گاڑی کا تحفہ

بھارت کی ساؤتھ فلموں کی اداکارہ سمنتھا اکینینی نے خاتون رکشہ ڈرائیور کو ٹیکسی سروس شروع کرنے کے لئے نئی گاڑی خرید کر دے دی۔

باغی ٹی وی :ساؤتھ انڈین فلموں کی اداکارہ سمنتھا اکینینی کا شمار بھارت کی معروف اداکاراؤں میں ہوتا ہے جو کہ اپنی خوبصورتی اور بہترین اداکاری کے ساتھ ساتھ فلاحی کاموں کے باعث بھی جانی جاتی ہیں۔

بھارتی میڈیا کے مطابق ایک ٹی وی شو جس کی میزبانی خود سمنتھا کرتی ہیں اداکارہ کے شو میں کویتھا نامی خاتون شریک ہوئی جس نے بتایا کہ اس کی 7 بہنیں ہیں اور وہ اپنے گھر کی واحد کمانے والی ہے، اس لیے وہ رکشہ چلاتی ہے۔

اس موقع پر اداکارہ نے وعدہ کیا کہ وہ اسے ایک نئی گاڑی خرید کر دیں گی تاکہ وہ اپنی ٹیکسی سروس شروع کرسکے۔

رپورٹ کے مطابق سمنتھا نے اپنا وعدہ پورا کرتے ہوئے خاتون رکشہ ڈرائیور کو ساڑھے 12 لاکھ بھارتی روپے کی ایک نئی گاڑی خرید کردی ہے تاکہ وہ اپنی ٹیکسی سروس شروع کرسکے۔

جواب چھوڑیں

آپ کا ای میل ایڈریس شائع نہیں کیا جائے گا.