بھارت، ’مخصوص شخص‘ کو دہشت گرد قرار دینے والا بل پارلیمنٹ سے منظور

بھارتی راجیہ سبھا میں کسی بھی شخص کو دہشت گرد قرار دینے کے ساتھ غیر قانونی سرگرمیوں کی روک تھام (ترمیم) بل 2019 میں منظور ہو گیا۔ اسے ووٹوں کی گنتی کے ذریعے پاس کیا گیا جبکہ لوک سبھا نے اسے 24 جولائی کو منظوری دے دی تھی۔

راجیہ سبھا میں بل 42کے مقابلے 147ووٹوں سے پاس ہوا۔

قبل ازیں اپوزیشن اراکین نے اس بل کو عام آدمی کی آزادی کی خلاف ورزی کرنے والا بتاتے ہوئے اسے تفصیلی جائزے کے لئے سلیکٹ کمیٹی کے پاس بھیجنے کا مطالبہ کیا تھا لیکن ایوان نے اسے 85کے مقابلے 104ووٹوں سے خارج کر دیا تھا۔