بھارتی صوبہ اترپردیش کے ضلع مراد آباد میں کھدائی کے دوران مغل دور کے 698سکے برآمد ہو ئے ہیں۔
ان سکوں پر عربی، فارسی زبان میں اس کی قیمت درج ہے۔ یہ سکے 400 سے 500 سال قدیم مانے جا رہے ہیں۔ ماہرین کا خیال ہے کہ یہ سکے مغل دور کے ہو سکتے ہیں۔ ضلع مجسٹریٹ کے ذریعے محکمہ آثار قدیمہ کو بھی اس حوالے سے آگاہ کر دیا گیاہے۔
یاد رہے کہ ہماچل میں ایک جگہ مزدور کھدائی کر رہے تھے. جہاں پر ایک باکس میں بند سکے ملے۔ بعد میں مزدوروں اور ٹھیکیدار میںان کی تقسیم کے لیے تنازعہ ہو گیا۔ جس کی شکایت پولیس میں کر دی گئی اور پولیس نے ان سکوں کو اپنے قبضہ میں لے لیا ہے۔ مرادآباد کے مونڈھا پانڈے علاقے کے برولا گاوں کے رہائشی محمد نبی کو یہ سکے سڑک کھدائی کے دوران ملے۔
