مظفر گڑھ میں انسانیت سوز واقعہ:بھرے بازار میں اوباش نوجوان خاتون کو برہنہ کر کے کپڑے ساتھ لے گئے

0
25

مظفر گڑھ میں اوباش نوجوانوں نے ایک خاتون کو بھرے بازار میں زبردستی برہنہ کر دیا کپڑے بھی ساتھ لے گئے-

باغی ٹی وی : تفصیلات کے مطابق صوبہ پنجاب کے ضلع مظفر گڑھ کے علاقے کوٹ ادو میں ملزمان سیف اللہ اور اقبال نے اپنے تین ساتھیوں کے ساتھ مل کر ایک خاتون کو بھرے بازار میں روکا اور پھر زبردستی اسے برہنہ کرنے کے بعد کپڑے بھی اپنے ہمراہ لے گئے۔

رپورٹ کے مطابق واقعہ کی اطلاع پولیس کو ملی تو اس نے کارروائی کرتے ہوئے دو ملزمان سیف اللہ اور اقبال کو گرفتار کر لیاابتدائی تفیتش کے مطابق گرفتار ملزمان نے اپنے گھناؤنے جرم کا اعتراف کرلیا ہے۔ تفتیش کے مطابق ملزمان کا کہنا ہے کہ انہوں نے خاتون کے ساتھ یہ گھناؤنی حرکت اپنی بہن کا بدلہ لینے کے لیے کی تھی۔

گرفتار ملزمان نے پولیس کو بتایا کہ متاثرہ خاتون کے بھائی عبدالوحید نے ان کی بہن کو زیادتی کا نشانہ بنایا تھا اس لیے انہوں ںے اس کا بدلہ لیا ہے متاثرہ اہل خانہ کے مطابق لڑکی کا بھائی عبدالرحمان زیادتی کے کیس میں جیل میں قید ہے۔

میڈیا رپورٹ کے مطابق پولیس نے گرفتار ملزمان سے تفتیش شروع کردی ہے اور باقی تین ملزمان کی گرفتاریوں کے لیے چھاپے بھی مار رہی ہے۔ پولیس کو اسی کیس میں بلال، رزاق اور عزیز بھی مطلوب ہیں۔

فیصل آباد:پولیس کا جرائم پیشہ افراد کے خلاف کریک ڈاؤن،75لیٹر شراب سمیت 4 اشتہاری…

Leave a reply