یوم بدرکے موقع پرمقبوضہ کشمیر میں بھارتی فورسز کی نیندیں حرام، آزادی پسندوں کے بڑے حملون کا خطرہ

یوم بدرکے موقع پرمقبوضہ کشمیر میں بھارتی فورسز کی نیندیں حرام، آزادی پسندوں کے بڑے حملون کا خطرہ

باغی ٹی وی :17 رمضان المبارک یا یوم بدر کو پیر کے روز مقبوضہ کشمیر بھر میں سکیورٹی کے سخت انتظامات کیے گئے کیونکہ سیکیورٹی فورسز کو خدشہ تھا کہ علاقے میں ان کی تنصیبات پر حملے ہوسکتے ہیں۔گذشتہ ہفتے ،جب سے حزب المجاہدین کے آپریشنل کمانڈر ریاض نائیکو کو ایک معاون سمیت پلوامہ کے گاوں بیگ پورہ میں شہید کیا گیا تھا ،موبائل انٹرنیٹ سروس ابھی بحال نہیں ہے۔ساوتھ ایشین وائر کے مطابق اعلی عہدیداروں نے کہا کہ رمضان کے 17 ویں دن پرامن طور پر گزرنے کے بعد ہی کشمیر میں صرف 2 جی خدمات بحال کی جاسکتی ہیں۔
صورتحال سے واقف افراد نے بتایا کہ حکومت نے جمعہ کی رات پری پیڈ موبائل فون خدمات کو بحال کرنے کا فیصلہ کیا ۔تاہم ، سری نگر میں ایک اعلی سطحی اجلاس ، جس میں سیکیورٹی اداروں کے اعلی عہدیداروں نے شرکت کی ، نے فیصلہ کیا ہے کہ موبائل انٹرنیٹ رابطے پیر تک معطل رہیں گے۔
القمرآن لائن کے مطابق 17رمضان کو یوم بدر کے نام سے یاد کیا جاتا ہے، جب تاریخ اسلام کی پہلی اور فیصلہ کن معرکہ آرائی چند سو مسلمانوں نے عرب میں اپنے طاقتور مخالفین سے مقابلہ کیا اور اسلامی روایت کے مطابق فتح حاصل کی۔
سیکورٹی عہدیداروں نے ساوتھ ایشین وائر کو بتایاکہ 17رمضان المبارک یعنی یوم بدر بعد ہی انٹرنیٹ کی بحالی کا فیصلہ کیا گیا ، کیونکہ اطلاعات ہیں کہ اس دن سیکیورٹی فورسز پر حملہ کیا جاسکتا ہے۔ ماضی کے تجربات کو مدنظر رکھتے ہوئے جب عسکریت پسند اس دن سیکیورٹی فورسز کو نشانہ بنانے کا انتخاب کرتے ہیں تو ، کشمیر میں سیکیورٹی کو بڑھا دیاجاتا ہے۔
پچھلے سال بھی 17رمضان کوممکنہ حملوں کے بارے میں ایسی ہی اطلاعات ملی تھیں۔ شمالی کشمیر کے سوپور اور ہنڈواڑہ علاقوں میں سی آر پی ایف پر دو حملوں کو مد نظر رکھتے ہوئے اہلکاروں کو خدشہ تھا کہ سی آر پی ایف پر بھی اسی طرح کے حملے ہوسکتے ہیں۔
کشمیر کے ڈویژنل کمشنر پنڈورنگ کے پول نے انٹرنیٹ رابطے کی معطلی کو عارضی بتایا۔ انہوں نے کہا ، "موبائل انٹرنیٹ جلد بحال ہوجائے گا۔”