بھارتی فوج نے 5 اگست سے چالیس ہزار کشمیریوں کو گرفتار کیا، ویلفیئر پارٹی آف انڈیا

بھارتی فوج نے 5 اگست سے چالیس ہزار کشمیریوں کو گرفتار کیا، ویلفیئر پارٹی آف انڈیا

اس بات کا انکشاف ویلفیئر پارٹی آف انڈیا کی سینئر رہنما شیما محسن نے نئی دہلی میں میڈیا کو دیے گئے انٹرویو کے دوران کیا۔ شیما نے ویلفیئر پارٹی کے تین رکنی وفد کے ساتھ 12 اور 13 ستمبر کو مقبوضہ کشمیر کا دورہ کیاتھا۔

پارٹی رہنماوں نے کہا کہ کشمیری عوام نے آرٹیکل 370 اور 35 اے کے حوالے سے بھارت کے یکطرفہ فیصلوں پر بے یقینی کا اظہار کیا ہے۔

ڈبلیو پی آئی کے وفد کی سربراہی اس کے صدر ایس کیو آر الیاس کر رہے تھے اور اس میں دیگر عہدیداران شیما محسن اور سبرمانی بھی شامل تھے۔ وفد 12 اور 13 ستمبر کو دو دن کے لئے کشمیر تشریف لایا اور وادی میں صورتحال کا اندازہ لگانے کے لئے لوگوں سے بڑے پیمانے پر بات چیت کی۔

شیما محسن نے کہا کہ عوام مشکل میں تھے پھر بھی وہ اپنے بنیادی حقوق کے لئے لڑنے کے لئے پرعزم ہیں۔

یاد رہے کہ بھارتی حکام نے مقبوضہ کشمیر میں 5اگست سے کرفیو نافذ کر رکھا ہے۔