ملک میں کورونا کی بھارتی قسم کے بعد کیلیفورنیا وائرس کے کیسز بھی رپورٹ

لاہور: بھارتی قسم کے بعد کیلی فورنیا وائرس کے کیسز بھی سامنے آگئے-

باغی ٹی وی : سیکریٹری صحت پنجاب کا کہنا ہےکہ پنجاب کے دارالحکومت میں 70فیصد کیسز ڈیلٹا وائرس کے بھی ہیں جبکہ پنجاب میں کورونا وائرس کی نئی قسم ’ اِپسلون ‘ کے کیسز رپورٹ ہو رہے ہیں-

سیکرٹری صحت پنجاب سارہ اسلم کا کہنا ہے کہ پنجاب میں اب تک 23 سیمپلز میں سے 5 میں کیلیفورنیا ایپسیلون کی تشخیص ہوئی ہے۔

سیکریٹری صحت پنجاب کا کہنا تھا کہ ’ اِ پسلون ِ قسم کا تعلق کیلیفورنیا سے ہے ، جولائی 2020 میں اپسلون کیلیفورنیا میں رپورٹ ہوا ، یہ وائرس ویکسین نہ لگوانے والوں میں زیادہ رپورٹ ہوتا ہے ۔

اس سے قبل امریکہ ، میکسیکو اور کینیڈا میں بھی اپسلون کے کیسز رپورٹ ہوئے تھے۔

خیال رہے کہ ملک میں کورونا کیسز میں تیزی سے اضافہ ہورہا ہے جبکہ صوبہ سندھ نے لاک ڈاؤن کا اعلان کیا ہے۔