امریکی صدر جوبائیڈن، انٹونی بلنکن اور لائڈ آسٹن کے خلاف مقدمہ درج

نیویارک: انسانی حقوق کی ایک امریکی تنظیم نے غزہ میں اسرائیلیوں کی نسل کشی میں ملوث ہونے اور اسے روکنے میں ناکامی پر صدر جو بائیڈن کے خلاف مقدمہ دائر کر دیا ہے۔

باغی ٹی وی ٌ نیویارک میں قائم مرکز برائے آئینی حقوق (سی سی آر) نے فلسطینی انسانی حقوق کی تنظیموں اور غزہ اور امریکا کے فلسطینیوں کی جانب سےامریکی صدر جو بائیڈن، سیکریٹری خارجہ انٹونی بلنکن، اور سیکریٹری دفاع لائڈ آسٹن کے خلاف مقدمہ دائر کیا۔

سی سی آر کی جانب سے شکایت میں کہا گیا ہے کہ وہ غزہ میں فلسطینی عوام کی نسل کشی کو روکنے میں ناصرف ناکام رہے ہیں بلکہ اسرائیلی حکومت کو غیر مشروط فوجی اور سفارتی حمایت فراہم کرنے کا سلسلہ جاری رکھنے، فوجی حکمت عملی پر قریبی رابطہ کاری، اسرائیل کی بے دریغ اور بے مثال بمباری مہم اور غزہ کا مکمل محاصرہ روکنے کے لیے بین الاقوامی برادری کی کوششوں کو کمزور کر کے سنگین جرائم کو آگے بڑھانے میں مدد فراہم کی ہے۔

مغربی کنارے پر بھی اسرائیل کے حملے،7 فلسطینی شہید، 2 بچوں سمیت 31 گرفتار

https://x.com/theCCR/status/1724162383751327995?s=20
سی سی آر نے شکایت میں کہا کہ اسرائیلی حکومت کے متعدد رہنماؤں نے واضح نسل کشی کے ارادوں کا اظہار کیا ہے اور فلسطینیوں کے ساتھ انسانیت سوز سلوک کیا گیا ہے، اس کے ساتھ ہی اسرائیلی فوج نے کیمیائی ہتھیاروں کے استعمال سمیت شہری علاقوں اور بنیادی ڈھانچے پر بمباری کی ہے اور فلسطینیوں کو پانی، خوراک، بجلی، ایندھن اور ادویات سمیت انسانی زندگی کے لیے ہر ضروری چیز سے محروم کر دیا ہے اجتماعی قتل، سنگین جسمانی اور ذہنی ایذا رسانی، مکمل محاصرہ اور بندش جس سے گروپ کی جسمانی تباہی کے حالات پیدا ہو جائیں، یہ سب نسل کشی کے ایک آشکار ہوتے ہوئے جرم کے ثبوت کو ظاہر کرتے ہیں۔

القسام بریگیڈ 5 روزہ جنگ بندی کے بدلے 70 یرغمال خواتین اور بچوں کی رہائی …

سی سی آر نے نسل کشی اور ہولوکاسٹ کے کئی سرکردہ قانونی محققین و مؤرخین بشمول ولیم شاباس کا بھی حوالہ دیا جنہوں نے اسرائیلی حکومت کی ہرزہ سرائی اور فوجی ردِعمل کو نسل کشی کی علامات کے طور پر بیان کیا۔