بھارت کے مشہور شو بگ باس 15 کی میزبانی کیلئے اداکار سلمان خان350 کروڑ روپے معاوضہ لیں گے سلمان خان، گزشتہ 11 سیزنز سے ریئلٹی شو بگ باس کی میزبانی کررہے ہیں۔
باغی ٹی وی : شو کو ہوسٹ کرنے کیلئے اسٹارز مہنگے دام وصول کرتے ہیں لیکن سلمان خان کا بگ باس کے معاوضے کے بارے میں جان کر سبھی حیران ہیں۔
مشہورفوٹوگرافر ویرل بھیانی نے اپنے انسٹاگرام پر ایک تصویر شیئر کی ہے ، جس میں بگ باس 15 میں سلمان خان کے معاوضے کے بارے میں بتایا گیا۔
پوسٹ میں بتایا گیا ہے کہ سلمان خان کو بگ باس 15 کے 14 ہفتوں کیلئے 350 کروڑ روپے دیئے جائیں گے جس کا مطلب ہے کہ وہ ایک ہفتے کا 25 کروڑ معاوضہ وصول کریں گے۔
سلمان خان ریئلٹی شو میں سب سے زیادہ معاوضہ وصول کرنے والے میزبان بھی ہیں اور جہاں سلمان خان نے میزبانی کے لیے اپنی فیس بڑھائی، وہیں ہر سال بگ باس کی شہرت اور تنازعات میں بھی اضافہ دیکھنے میں آیا اور پروگرام نے ریٹنگ اور کمائی کے نئے ریکارڈ بھی بنائے۔
سال 2020 میں بگ باس سیزن 14 کے آغاز سے قبل یہ انکشاف سامنے آیا تھا کہ سلمان خان سے سیزن 4 سے 6 تک ایک قسط کے ڈھائی کروڑ روپے وصول کیے تھے۔
سیزن 7 کے لیے انہوں نے ایک ہفتے کا 5 کروڑ روپے ادا کیا گیا تھا جبکہ سیزن 13 میں انہوں نے فی ہفتے کے 13 کروڑ روپے وصول کیے تھے۔
یوں تو سیزن 14 میں سلمان خان نے میزبانی کے لیے 450 کروڑ روپے کا معاہدہ کیا تھا جو کہ رواں برس کے سیزن 15 کے مقابلے میں 100 کروڑ زیادہ ہیں۔
تاہم سیزن 14 میں انہوں نے 20کروڑ روپے فی ہفتہ معاوضہ لیا تھا جبکہ اس بار وہ فی ہفتہ 25 کروڑ وصول کرنے جارہے ہیں جس کا مطلب ہے کہ اس سال بگ باس سیزن 15 کا دورانیہ کم عرصے پر محیط ہوگا۔
سلمان خان کو ائیر پورٹ پر روکنے والا پولیس اہلکار مشکل میں پھنس گیا
حال ہی میں بگ باس 15 کا نیا پرومو سامنے آیا ہے ، جس میں سلمان خان بتا رہے ہیں کہ کھلے آسمان اور وشو سندری کے پیڑ کے درمیان آرام دہ چیزوں کے بغیر کنٹیسٹنٹس کی زندگی اس مرتبہ کتنی مشکل ہونے والی ہے۔
پرومو میں سلمان خان کہہ رہے ہیں کہ یہاں جاگنے جگانے اور چڑھنے چڑھانے کی تو ہے ، لیکن کہاں ہیں سہولتیں سونے کی وشوسندری، سلمان خان کی بات پر وشو سندری کہتی ہیں کہ ہمارے آغوش کے سائے میں نیند کہاں آئے گی اور اس جنگل کی سرد ہوائیں ہمیشہ ستائیں گی۔
