حکومت کے خلاف تحریک،بلاول زرداری کی شہباز شریف سے ملاقات طے

بلال زرداری کل قومی اسمبلی میں قائد حزب اختلاف شہباز شریف سے ملاقات کریں گے

باغی ٹی وی کی رپورٹ کے مطابق پیپلز پارٹی اور مسلم لیگ ن کے مابین رابطہ ہوا، پیپلز پارٹی کے چیئرمین بلاول زرداری اور مسلم لیگ ن کے صدر شہباز شریف کی ملاقات طے پا گئی ہے، بلاول زرداری کل منگل کو شہباز شریف کی رہائشگاہ پر ان سے ملاقات کریں گے.

ملاقات میں ملکی سیاسی صورتحال پر بات چیت کی جائے گی، ملاقات میں مولانا فضل الرحمان کے دھرنے اور حکومت کے خلاف تحریک پر بھی مشاورت کی جائے گی، ذرائع کے مطابق بلاول مسلم لیگ ن کو اس بات پر آمادہ کریں گے کہ حکومت کے خلاف احتجاج تو کیا جائے لیکن اسلام آباد کا لاک ڈاؤن نہ کیا جائے.

بلاول زرداری اور شہباز شریف کی ملاقات کل منگل کو دن دو بجے ہو گی جس میں دونوں پارٹیوں کے دیگر رہنما بھی شامل ہوں گے