ہر کام شروع کرنے سے پہلے بسم اللہ الرحمٰن الرحیم پڑھناچاہئے

اللہ تعالیٰ نے مسلمانوں کو بعض چھوٹی چھوٹی چیزوں سے بڑی برکت عطا فرمائی ہے بسم اللہ الرحمٰن الرحیم بھی اسی میں شامل ہے اس آیت کے ذریعے اللہ تعالٰی کی غیبی مدد حاصل ہوتی ہے اس چھوٹی سی آیت میں اس قدر طاقت ہے کہ کوئی عام مسلمان تصور بھی نہیں کر سکتا
بسم اللہ الرحمن الرحیم کی فضیلت کے بارے میں رسول پاکؐ نے ارشاد فرمایا کہ مجھ پر ایک ایسی آیت اتری ہے جو حضرت سلیمانؑ کے علاوہ کسی نبی پر نہیں اتری وہ بسم اللہ الرحمن الرحیم ہے حضرت جابرؓ فرماتے ہیں جب یہ آیت نازل ہوئی تو بادل مشرق کی طرف چھٹ گئے ہوائیں ساکن ہو گئیں سمندر ٹھہر گیا جانوروں نے کان لگا لئے شیاطین پر آسمان سے شعلے گرے پروردگار عالم نے اپنی عزت و جلال کی قسم کھاکر فرمایا کہ جس چیز پر میرا یہ نام کیا جائے گا اس چیز پر برکت ہو گی
بسم اللہ کی وجہ سے گنہگار کی بخشش ہو گی ایک گنہگار کو مرنے کے بعد کسی نے خواب میں دیکھ کر پوچھا اللہ تعالٰی نے تیرے ساتھ کیا معاملہ کیا؟ تو اس نے بتایا کہ ایک دن میں ایک مدرسے کی طرف سے گزرا تو ایک پڑھنے والے نے بسم اللہ الرحمٰن الرحیم پڑھی اسے سن کر میرے دل کو سکون ملا اور اللہ تعالی کے نام کی مٹھاس نے اثر کیا اور اسی وقت میں نے سنا کوئی کہنے والا کہہ رہا یے ہم دو چیزوں کو جمع نہ کریں گے ایک اللہ کے نام کی لذت اور دوسری موت کی تلخی پھر موت کے بعد مجھے پتا چلا کہ اللہ نے مجھے بخش دیا
اگر زمین ہر کوئی کاغذ جس پربسم اللہ لکھی ہوئی ہو پڑا ہو اورادب کی وجہ سے کوئی شخص اٹھا لے تو اللہ تعالی اس شخص کو اپنے دوستوں میں داخل کرے گا اور اس کے ماں باپ کو عذاب قبر سے نجات دے گا
حضرت ابو ہرہؓ فرماتے ہیں کہ ایک مرتبہ ایک مسلمان اور ایک کافر کے شیاطین میں ملاقات ہوئی کافر کا شیطان خوب موٹا تازہ بدن پر کپڑے پہنے اور سر پر تیل لگائے ہوئےتھا جبکہ مسلمان کا شیطان د بلا پتلا لاغر کمزور پراگندہ اورننگا تھا کافر کے شیطان نے مومن کے شیطان سےپوچھا بھائی تمہاری یہ حالت کیوں ہے اس نے جواب دیا میں ایک ایسے اللہ کے بندے کے ساتھ ہوں جو کھانا کھاتے پانی یا کوئی اور چیز پیتے وقت بسم اللہ پڑھتا ہے تو اس وجہ سے مجھے پیاسا اور بھوکا رہنا پڑھتا ہے اور جب تیل لگاتے کپڑے پہنتے وقت بسم اللہ پڑھتا ہے تو اس کی بدولت میرے بال گندے اور جسم ننگا رہ جاتا ہے کافر کے شیطان نے کہا میں ایسے آدمی کے ساتھ مسلط ہوں جو کسی بھی کام سے پہلے بسم اللہ نہیں پڑھتا ہے
ایک مرتبہ حضرت خالد بن ولیدؓ سے کچھ مجوسیوں نے عرض کیا کہ آپ ہمیں کچھ ایسی نشانی بتائیں کہ جس سے ہم پر اسلام کی حقانیت واضح ہو جائے چناچہ آپؓ نے زہر منگوایا اور اس پر بسم اللہ پڑھ کر اسے کھا لیا اللہ کے نام کی برکت سے اس زہر کا آپؓ پر اثر نہ ہوا یہ منظر دیکھ کر مجوسی بے ساختہ پکار اٹھے دین اسلام حق ہے
آپؐ نے فرمایا ہر کام شروع کرنے سے پہلےبسم اللہ پڑھا کروجس کام سے پہلے اللہ کی حمدو ثناء نہ کی جائے بسم اللہ نہ پڑھی جائے وہ کام ناقص اورادھورا رہ جاتا ہے
ہر کام سے پہلے بسم اللہ پڑھنا اس میں خیروبرکت کا سبب بنتا ہے