وفاقی تحقیقاتی ادارے ایف آئی اے کی کاروائیاں جاری ہیں
ایف آئی اے سائبرکرائم سرکل سکھر کی کارروائی ، کامیاب ریڈ کرتے ہوئے ملزم سہیل کو گرفتار کر لیا۔ ملزم نے ورغلا کر متاثرہ کی ویڈیوز ریکارڈ کیں۔ملزم نے ریکارڈ کردہ ویڈیوز سوشل میڈیا پر وائرل کیں۔ملزم نے متعدد جعلی فیس بک اکاونٹس بنا رکھے تھے۔ملزم قابل اعتراض تصاویر اور ویڈیوزکی آڑ میں متاثرہ کو بلیک میل کر رہا تھا۔ملزم کو خیرپور سے گرفتار کیا گیا۔ابتدائی تفتیش کے مطابق ملزم کے موبائل سے استعمال ہونے والی سمز، فیس بک اکاونٹس برآمد کر لئے گئے ملزم کے موبائل کو قبضے میں لے کر فرانزک کے لئے بھجوا دیا گیا۔ ملزم کے خلاف پیکا ایکٹ کے تحت مقدمہ درج کر لیا گیا۔ ترجمان ایف آئی اے کے مطابق مقدمے کی تفتیش جاری ہے۔
دوسری جانب ایف آئی اے امیگریشن نے راچی ائیرپورٹ پر کارروائی کی،منسوخ ویزے پر دوبارہ امریکہ جانے کی کوشش کرنے والے مسافر کو آف لوڈ کر دیا ، محمد زاہد مغل نامی مسافر فلائٹ نمبر TK709 سے امریکہ جا رہا تھا۔ ملزم کے پاکستانی پاسپورٹ پر امریکہ کا ویزہ لگا ہوا تھا۔ ملزم پیشے کے لحاظ سے ویلڈر ہے۔ملزم نے غلط معلومات ظاہر کرتے ہوئے امریکہ کا بزنس وزٹ ویزا حاصل کیا ،ملزم نے جعل سازی کرتے ہوئے خود کو ٹیکسٹائل فیکٹری کا مالک ظاہر کیا۔ملزم کی تعلیم میٹرک ہے جبکہ ویزے فارم میں ملزم نے تعلیم بیچلر ظاہر کی ہوئی تھی۔ملزم نے تمام دستاویزات 25 لاکھ کے عوض ایجنٹ سے حاصل کیں۔امیگریشن ریکارڈ کے مطابق ملزم سال 2022 میں بھی آف لوڈ ہوا جس پر ملزم کے خلاف قانونی کارروائی عمل میں لائی گئی تھی سال 2022 میں ملزم نے اسلام آباد ائرپورٹ سے امریکہ جانے کی کوشش کی تھی۔امریکی قونصلیٹ کے مطابق ملزم کے پاسپورٹ پر لگنے والا ویزہ پہلے ہی کینسل کر دیا گیا ہے۔ملزم کو قانونی کارروائی کے لئے اینٹی ہیومن ٹریفیکنگ سرکل کراچی منتقل کر دیا گیا۔
قصور کے بعد تلہ گنگ میں جنسی سیکنڈل. امام مسجد کی مدرسہ پڑھنے والی بچیوں کی ساتھ زیادتی
سوشل میڈیا چیٹ سے روکنے پر بیوی نے کیا خلع کا دعویٰ دائر، شوہر نے بھی لگایا گھناؤنا الزام
سابق اہلیہ کی غیراخلاقی تصاویر سوشل میڈیا پر اپ لوڈ کرنے والے ملزم پر کب ہو گی فردجرم عائد؟
سوشل میڈیا پرغلط خبریں پھیلانا اورانکو بلاتصدیق فارورڈ کرنا جرم ہے، آصف اقبال سائبر ونگ ایف آئی اے
سوشل میڈیا پر جعلی آئی ڈیز کے ذریعے لڑکی بن کر لوگوں کو پھنسانے والا گرفتار
