برفانی طوفان سے 10 کوہ پیما ہلاک، متعدد لاپتہ

تہران : برفانی طوفان سے 10 کوہ پیما ہلاک، متعدد لاپتہ،اطلاعات کے مطابق ایران کے شمالی پہاڑوں میں برفانی طوفان کے نتیجے میں 10 کوہ پیما ہلاک اور متعدد لاپتہ ہوگئے۔

غیرملکی خبررساں ادارے ‘اے پی’ کے مطابق ایران کے سرکاری میڈیا نے مذکورہ حادثے کے متعلق تفصیلات فراہم کیں کہ 4 مختلف مقامات پر لاپتہ کوہ پیماؤں کی تلاش کے لیے ریسکیو آپریشن جاری ہے۔

Sad news from #Iran
At least 8 climbers in Iran have died in mountains to the north of #Tehran after heavy snowfall & a blizzard — the Red Crescent has had 20 search & rescue teams out looking for other climbers who are still missing & so far they've rescued 14 people (Fars) 1)

— Rozita Riazati (@RozitaRiazati) December 26, 2020

تہران کے سرکاری ٹیلی وژن کے مطابق جمعہ کے روز سے متعدد کوہ پیما لاپتہ تھے بعدازاں دو اموات کی اطلاع ملی جس کے بعد لاپتہ ہونے والوں کی اطلاعات میں اضافہ ہوا۔جبکہ تہران سے مقامی میڈیا کے مطابق کوہ پیما کے اہل خانہ نے حکام سے رابطے سے رابطہ شروع کردیا ہے۔

دوسری جانب ایران کے ریڈ کریسنٹ میں ہنگامی کارروائیوں کے سربراہ مہدی والی پور نے سرکاری نشریاتی ادارے ‘آئی آر آئی بی’ کے حوالے سے بتایا کہ 9 افراد پہاڑ پر ہلاک اور ایک زخمی نے ہسپتال میں دم توڑ دیا۔

واضح رہے کہ تہران البرز پہاڑی سلسلے کے دامن میں واقع ہے اور اس کی اونچائی 18 ہزار 606 فٹ ہے۔ایران کے نیم سرکاری خبر رساں ادارے کے مطابق جمعرات کے روز ایران کے متعدد علاقوں میں شدید برف باری اور تیز ہواؤں نے افراتفری مچا دی تھی۔