اداکارہ ارمینہ خان کو بولڈ لباس میں تصویر پر سوشل میڈیا صارفین کی جانب سے شدید تنقید کا نشانہ بنایا گیا یہاں تک کہ اداکارہ نے کمنٹس سیکشن ہی بند کر دیا-
باغی ٹی وی :اداکارہ ارمینہ خان سوشل میڈیا پر کافی متحرک رہتی ہیں اور اکثر اپنی تصاویر اور ملکی معاملات پر خیالات کا اظہار سوشل میڈیا پر کرتی ہیں۔ گزشتہ روز ارمینہ خان نے اپنی ایک پرانی تصویر سوشل میڈیا ویب سائٹ انسٹاگرام پر شیئر کی جس میں وہ نہایت مختصر سیاہ رنگ کے لباس میں نظر آرہی ہیں۔
اداکارہ کی جانب سے تصویر شیئر کرنے پر تنقید کا سلسلہ شروع ہوگیا ان کی تصویر پر ایک صارف نے شدید تنقید کرتے ہوئے کہا کہ ان بےغیرتوں کو بالی وڈ بھیجو۔ اس کے ساتھ ہی انہوں نے ارمینہ خان کے لیے نازیبا لفظ استعمال کیا۔ ارمینہ خان نے بھی اس صارف کو جواب دیتے ہوئے کہا میں وہاں جا چکی ہوں وہ اچھی جگہ ہے۔
سدرہ نامی خاتون نے ارمینا خان پر تنقید کرتے ہوئے کہا اس طرح کی فضول حرکت کرنے کا کیا مطلب ہے؟ پھر یہ واحیات عورتیں کہتی ہیں کے لوگوں کی سوچ گھٹیا ہے۔ ہمارا جسم ہماری مرضی کے نعرے کستی ہیں میں خود ایک لڑکی ہوں کسی لڑکی کی مخالفت کرنا میرے لیے بھی مشکل ہے مگر یہ پوسٹ دیکھ کر میرا خون کھول گیا ہے۔
ملک ان کو اسلامی طور طریقوں کے مطابق چاہیے۔ انصاف ان کو اسلام کے مطابق چاہیے۔ حتٰی کے ان کو تحفظ بھی اسلام کے مطابق چاہیے۔ مگر خود اس پر عمل نہیں کریں گی۔ بہت سی ایسی اداکارائیں ہیں جو ایک دائرے میں رہ کر اپنا کام کرتی ہیں جیسے کے سارہ خان، ایمن، منال خان۔ کیا ان کی شہرت میں کمی آئی؟ بلکہ لوگوں نے ان کو سراہا۔
