الیکشن کمیشن کی جانب سے فوجداری کاروائی کی درخواست قابل سماعت قرار

الیکشن کمیشن کی جانب سے فوجداری کاروائی کی درخواست قابل سماعت قرار دے دی گئی

توشہ خانہ کیس میں عمران خان کیخلاف فوجداری کارروائی کی درخواست قابل سماعت قرار دے دی گئی، چئیرمین پی ٹی آئی عمران خان کیخلاف نو جنوری سے ٹرائل شروع ہو گا ،عدالت نے عمران خان کو 9 جنوری کو ذاتی حیثیت میں طلب کر لیا،عدالت نے محفوظ فیصلہ سنا دیا،عدالت نے عمران خان کو نوٹس جاری کر دیا، ایڈیشنل سیشن جج ظفر اقبال نے محفوظ فیصلہ سناتے ہوئے عمران خان کو طلب کر لیا

عمران خان کے خلاف الیکشن کمیشن کی درخواست قابل سماعت ہونے کا تحریری فیصلہ جاری کر دیا گیا، ایڈیشنل سیشن جج ظفر اقبال نے تین صفحات پر مشتمل تحریری فیصلہ جاری کیا ، تحریری فیصلے میں عدالت نے کہا کہ بادی النظر میں عمران خان کا جمع کرایا گیا اثاثوں کی تفصیلات کا ڈکلیئریشن غلط ہے،بادی النظر میں عمران خان نے گوشواروں میں تحائف کی تفصیلات جمع ظاہر نہیں کیں، بادی النظر عمران خان نے تحفوں کی فروخت سے حاصل ہونے والی رقم کی تفصیلات بھی ظاہر نہیں کیں،بادی النظر میں عمران خان الیکشن ایکٹ کی سیکشن 174 کے مرتکب ہوئے،عمران خان کے خلاف شکایت کو باقاعدہ سماعت کیلئے منظور کیا جاتا ہے، عمران خان 9 جنوری کو ذاتی طور پر پیش ہو کر ٹرائل کا سامنا کریں،

واضح رہے کہ الیکشن کمیشن نے توشہ خانہ ریفرنس ڈسٹرکٹ اینڈ سیشن جج کو بھجوایا تھا ،الیکشن کمیشن کے مطابق ٹرائل کورٹ عمران خان پر کرپٹ پریکٹس کا ٹرائل کرے،الیکشن کمیشن نے عمران خان کیخلاف فوجداری کارروائی کا حکم دیا تھا ریفرنس الیکشن ایکٹ کے سیکشن 137 ،170 ،167 کے تحت بھیجا گیا

توشہ خانہ کیس میں الیکشن کمیشن عمران خان کو نااہل کر چکا ہے،اب نیب نے بھی تحقیقات شروع کر دی ہیں، نیب نے توشہ خانہ کے حوالہ سے سابق وزیراعظم نواز شریف، سابق صدر آصف زرداری، سید یوسف رضا گیلانی کے خلاف بھی تحقیقات کی تھیں،الیکشن کمیشن نے چیئرمین پی ٹی آئی عمران خان کو 63 ون کے تحت نااہل قراردیا تھا،الیکشن کمیشن کی جانب سے کہا گیا کہ عمران خان کی نااہلی 5 رکنی کمیشن کا متفقہ فیصلہ ہے چیئرمین پی ٹی آئی عمران خان نے غلط گوشوارے جمع کروائے

توشہ خانہ کیس کا فیصلہ آنے کے بعد وزیر داخلہ رانا ثناء اللہ نے عمران خان کیخلاف مقدمہ درج کروانے کا اعلان کیا تھا،وفاقی وزیر داخلہ رانا ثناء اللہ کا کہنا تھا کہ عمران خان کے خلاف فوجداری مقدمہ درج ہوگا یہ ایسی چوری ہے جس میں مقدمہ درج ہونے سے پہلے ہی سب کچھ ثابت ہے

ممنوعہ فنڈنگ کیس،الیکشن کمیشن نے فیصلہ سنا دیا،تحریک انصاف "مجرم” قرار’

،عمرا ن خان لوگوں کو چور اور ڈاکو کہہ کے بلاتے تھے، فیصلے نے ثابت کر دیا، عمران خان کے ذاتی مفادات تھے

اکبر ایس بابر سچا اور عمران خان جھوٹا ثابت ہوگیا،چوھدری شجاعت

عمران خان چوری کے مرتکب پارٹی سربراہی سے مستعفی ہونا چاہیے،عطا تارڑ

جھوٹ پھیلانے والا رنگے ہاتھوں پکڑا گیا ،عمران خان کی نااہلی پر بلاول کا ردعمل