لندن: بریگزٹ کے خلاف مظاہرہ ،یورپی یونین میں شامل رہنے کی حمایت

لندن بریگزٹ کے مخالفین نے یورپی یونین میں برطانیہ کے شامل رہنے کی حمایت میں لندن کی سڑکوں پر مارچ اور بریگزٹ کے خلاف احتجاج کیا۔لندن میں یہ مظاہرہ ایسے وقت ہوا ہے کہ برطانیہ کے نئے وزیر اعظم کے انتخاب اور کنزرویٹو پارٹی کی سربراہی سنبھالنے کے لئے اس پارٹی کے اندرونی انتحابات ہونے والے ہیں۔

واضح رہے کہ برطانیہ کے سابق وزیر خارجہ بورس جانسن اور موجودہ وزیر خارجہ جیرمی ہنٹ، وزارت عظمی کا عہدہ سنبھالنے کے لئے ایک دوسرے کے مضبوط حریف امیدوار شمار ہوتے ہیں۔اس سے پہلے سابق برطانوی فوج کے اعلیٰ افسران بھی یہ کہ چکے ہیں کہ اگر برطانیہ یورپ سے الگ ہو گیا تو اپنی سالمیت قائم نہیں رکھ سکے گا.