سرکاری ملازمین کیلئے 20 فیصد تک تنخواہوں میں اضافے کی ابتدائی تجویز تیار

0
77
KPK

وفاقی بجٹ میں ملازمین کیلئے 20 فیصد تک تنخواہوں میں اضافے کی ابتدائی تجویز تیار کرلی گئی ہے۔وزارت خزانہ نے تنخواہوں میں 20 فیصد اضافہ تک تجاویز وزیراعظم کی ہدایت پر تیار کی ہیں،ذرائع کے مطابق1 سے 22 گریڈ کے ملازمین کی تنخواہوں میں 20 فیصد اضافہ سے تقریباً 140 ارب روپے کا امپیکٹ آئے گا۔1 سے 16 گریڈ کے ملازمین کیلئے میڈیکل اور کنوینس الاؤنس میں 2 سو فیصد اضافے کا مطالبہ ہے،1 سے 16 اسکیل ملازمین کو 18 سو روپے کنوینس الاؤنس اور 1500 روپے میڈیکل الاؤنس مل رہا ہے۔17 اور 18 گریڈ کے افسران کو اس وقت 5 ہزار روپے کنوینس الاؤنس مل رہا ہے،17 سے 18 گریڈ کیلئے بھی کنوینس الاؤنس میں 200 فیصد اضافے کی ابتدائی تجویز ہے۔ذرائع کا کہنا ہے1 سے 16 اسکیل کے ملازمین کو 2021 اور 2022 میں 25 اور 15 فیصد ڈسپیریٹی الاؤنس ملا تھا،صوبوں اور وفاق کے ملازمین کی تنخواہوں میں فرق کو کم کرنے کیلئے ڈسپیریٹی الاؤنس جاری رکھنے کی بھی تجویز ہے۔

Leave a reply