براک اوباما اور ان کی اہلیہ کی کمپنی کا پاکستانی ناول نگار کے ناول پر فلم بنانے کا اعلان

سابق امریکی صدر براک اوباما اور ان کی اہلیہ کی کمپنی پاکستانی ناول نگار کے ناول ’ایگزیٹ ویسٹ‘ پر فلم بنائے گی۔

باغی ٹی وی : میڈیا رپورٹس کے مطابق سابق امریکی صدر براک اوباما اور ان کی اہلیہ کی کمپنی پاکستانی ناول نگار کے ناول ’ایگزیٹ ویسٹ‘ پر فلم بنائے گی مذکورہ کمپنی جو مواد تیار کرے گی وہ نیٹ فلکس پر نشر کیا جائے گا-

نیٹ فلکس کی جانب سے جاری بیان میں کہا گیا ہے کہ اوباما اور ان کی اہلیہ محسن حامد کے ناول پر فلم بنانے کا ارادہ رکھتے ہیں جبکہ فلم میں مرکزی کردار پاکستانی نژاد برطانوی اداکار رض احمد ادا کریں گے۔

واضح رہے کہ ناول’ایگزٹ ویسٹ‘ 2017 میں شائع ہواتھا اور امریکا کے سابق صدر براک اوباما اسے اپنا پسندیدہ ناول قرار دے چکے ہیں محسن حامد کے تمام ناولوں کو مغربی قارئین اور ناقدین کی طرف سے مثبت ردعمل موصول ہوتا رہا ہے۔

وہ برطانیہ کے معروف ادبی ایوارڈ ’بکر پرائز‘ کے لیے دو مرتبہ نامزد بھی ہوچکے ہیں بطور پاکستانی ادیب، دومرتبہ نامزد ہونے کا اعزاز صرف انہی کے پاس ہے۔