بشریٰ بشیر کی بیٹی رشتہ ازدواج میں منسلک ہوگئیں

پاکستان شوبز انڈسٹری کی سینئر اور ورسٹائل اداکارہ بشریٰ بشیر کی بیٹی میرا انصاری دوسری بار رشتہ ازدواج میں منسلک ہوگئیں۔

باغی ٹی وی : پاکستان شوبز انڈسٹری کی سینئر اور ورسٹائل اداکارہ بشریٰ بشیر کی بیٹی میرا انصاری دوسری بار رشتہ ازدواج میں منسلک ہوگئیں نیویارک میں شادی کرنے والی بشریٰ بشیر کی بیٹی میرا انصاری نے انسٹاگرام پر شوہر کے ہمراہ تصویریں شیئر کیں اور اپنی شادی کا باضابطہ اعلان کیا-

تصویروں کے کیپشن میں میرا نے قرآن شریف کی تیسویں پارے کی سورۃ الم نشرح کی آیت ،بے شک مشکل کے ساتھ آسانی ہے‘ تحریر کی۔

اپنی ایک اور پوسٹ میں میرا انصاری نے پہلی شادی سے ہونے والے بچوں کے ہمراہ تصویریں شیئر کرتے ہوئے انہیں اپنی خوشی کی وجہ قرار دیا-

میرا کی پوسٹ پر جہاں مداحوں کی جانب سے نیک خواہشات کا اظہار کیا جا رہا ہے وہیں معروف شوبز شخصیات کمنٹس سیکشن میں مبارکباد کے پیغامات دے رہے ہیں۔

خیال رہے کہ 64 سالہ اداکارہ بشریٰ بشیر نے 1978 میں پروڈیوسر اقبال انصاری سے شادی کی تھی جو نامعلوم وجوہات کی بنا پر ختم ہوئی، ان کی دو بیٹیاں ناریمن انصاری اور میرا انصاری ہیں۔