Home›پاکستان›زارا نور عباسی کی بشری انصاری کو شوبز انڈسٹری میں 40 سال مکمل ہونے پر مبارکباد

زارا نور عباسی کی بشری انصاری کو شوبز انڈسٹری میں 40 سال مکمل ہونے پر مبارکباد

اگست 20, 2020

پاکستان شوبز انڈسٹری کی سینئیر اور معروف بشریٰ انصاری کو شوبز انڈسٹری میں 40 سال مکمل ہوگئے-

باغی ٹی وی : پاکستان کی سینئیر اور معروف بشریٰ انصاری کو شوبز انڈسٹری میں 40 سال مکمل ہوگئے اس طویل عرصے میں اس شعبے میں اپنی بے پناہ صلاحیتوں سے اس کی ترقی میں اہم کردار ادا کیا۔

بشریٰ بشیر کی ان کی خدمات پر رواں سال یوم آزادی کے موقع پر حکومت پاکستان نے ستارہ امتیاز کیلئے نامزد بھی کیا ہے۔

اداکارہ زارا نور عباس نے اپنی خالہ اور سینئراداکارہ بشریٰ انصاری کو رواں سال ستارہ امتیاز کیلئے نامزد کئے جانے پر مبارکباد دی اوراس کی تصاویر سوشل میڈیا پر شئیر کیں-
https://www.instagram.com/p/CEEv3_pBLh7/?igshid=1uuey8n2frcj7
زارا نور عباس نے سماجی رابطے کی ویب سائٹ انسٹاگرام پر بشریٰ انصاری کیلئے بھیجے گئے کیک کے ساتھ اُن کی تصویر شیئر کرتے ہوئے انہیں ایک خوبصورت پیغام کے ذریعے مبارکباد دی۔

اداکارہ نے لکھا کہ 40 سال کی لگاتار انتھک محنت اور بے پناہ صلاحیتوں سے دہائی در دہائی خالہ آپ نے ہمیں قابل فخر بنایا۔

اداکارہ نے اپنے پیغام میں بشریٰ بشیر کو ستارہ امتیاز کی مبارکباد بھی دی۔

خیال رہے کہ 64 سالہ اداکارہ بشریٰ بشیر نے 1978 میں پروڈیوسر اقبال انصاری سے شادی کی تھی جو نامعلوم وجوہات کی بنا پر ختم ہوئی، ان کی دو بیٹیاں ناریمن انصاری اور میرا انصاری ہیں۔

یاد رہے کہ یوم آزادی 2020 کے موقع پر صدر مملکت ڈاکٹر عارف علوی کی جانب سے مختلف شعبہ جات میں نمایاں خدمات سر انجام دینے والی 184 ملکی اور غیر ملکی شخصیات کو پاکستان کے اعلیٰ سول ایوارڈز سے نوازنے کا اعلان کیا گیا ہے –

پاکستان کی 24 شخصیات کو ستارہ شجاعت، 27 کو ستارہ امتیاز جبکہ 44 شخصیات کو صدارتی تمغہ حسن کارکردگی نوازا جائے گا یہ ایوراڈز آئندہ سال 23 مارچ کو یوم پاکستان پر نوازے جائیں گے-

صدر مملکت نے غیر ملکی شخصیات کے علاوہ میوزک، اداکاری، ادب اور دیگر فنون لطیفہ کے شعبہ جات سے بھی متعدد شخصیات کو ایوارڈز کے لیے نامزد کیا ہے جن میں بشری انصاری بھی شامل ہیں