عائشہ ذوالفقار
قاہرہ : مصر میں جھگڑ کر گھر سے جانے والی بیوی کا تعاقب کرنے والا شخص دل کا دورہ پڑنے سے سرک پر ہی جاں بحق ہو گیا۔
باغی ٹی وی : العربیہ اردو کے مطابق یہ واقعہ مصر کے دارالحکومت قاہرہ کے شمال میں واقع شہر "کفر شکر” میں پیش آیا شوہر گھر سے جھگڑ کر جانے والی بیوی کے پیچھے دوڑ رہا تھا کہ اچانک دل کا دورہ پڑنے سے گر گیا-
اس موقع پر راہگیروں نے شوہر کو ہسپتال پہنچایا مگر وہ جانبر نہ ہو سکا، ڈاکٹروں نے بھی تصدیق کی کہ موت کی وجہ ہارٹ اٹیک بنی ہے ۔
مصر میں حالیہ عرصے میں شوہر اور بیوی کے درمیان جھگڑوں میں پر تشدد واقعات میں اضافہ دیکھا جا رہا ہے۔ ان واقعات میں بعض شوہروں اور بیویوں نے ایک دوسرے کو قتل کرنے کے سنگین جرائم کا ارتکاب بھی کیا ہے۔
