سی پیک منصوبہ خطے میں گیم چینجر ثابت ہوگا.وفاقی وزیر احسن اقبال

پاکستان جغرافیائی اور اقتصادی محل وقوع سے فائدہ اٹھا تے ہوئے اقتصادی سرگرمیوں کا مرکز بن سکتا ہے.احسن اقبال

وفاقی وزیر منصوبہ بندی، ترقی، اصلاحات و خصوصی اقدامات پروفیسر احسن اقبال نے کہاہے کہ پاکستان جغرافیائی اور اقتصادی محل وقوع سے فائدہ اٹھا تے ہوئے اقتصادی سرگرمیوں کا مرکز بن سکتا ہے،مسلم لیگ(ن )نے نیشنل ہائی ویز اور موٹرویز کا جال بچھایا، عمران خان کی غلط پالیسیوں کی وجہ سے کوئی ملک سرمایہ کاری کیلئے تیار نہیں۔

منگل کو اسلام آبادمیں منعقدہ تقریب سے خطاب کرتے ہوئے وفاقی وزیر نے کہاکہ اکیسیوں صدی اکنامک آئیڈیالوجی کی ہے،فی کس آمدنی میں اضافے کیلئے سب کو محنت کرنا ہوگی۔ احسن اقبال نےکہاکہ محمد نوازشریف کی قیادت میں ہم نے سی پیک شروع کیا، نوازشریف کے دور میں ملک میں بڑے پیمانے پر سرمایہ کاری ہوئی، نوازشریف نے اپنے دور میں ملک میں توانائی کے منصوبے لگائے۔ انہوں نے کہ کہ مسلم لیگ( ن) نے نیشنل ہائی ویز اور موٹرویز کا جال بچھایا،2018میں ہر ملک پاکستان میں سرمایہ کاری کرنا چاہتا تھا،عمران خان کی غلط پالیسیوں کی وجہ سے کوئی بھی سرمایہ کاری کیلئے تیار نہیں۔

انہوں نے کہاکہ حکومت سنبھالنے کے بعد سی پیک منصوبے میں تیزی لائی،سی پیک منصوبہ خطے میں گیم چینجر ثابت ہوگا،پبلک سیکٹرز کے تعاون سے ملک میں منصوبے لگانے پر توجہ دے رہے ہیں، 4برس کے دوران گوادر پورٹ میں کوئی بھی کام نہیں کیا گیا۔ احسن اقبال نے کہا کہ پاکستان ملک کی جیو اکنامکس سے فائدہ اٹھا کر اقتصادی سرگرمیوں کا مرکز بن سکتا ہے۔ انہوں نے کہا کہ فی کس آمدنی بڑھانے پر توجہ دینے کی ضرورت ہے۔
مزید یہ بھی پڑھیں.
وزیر خارجہ کی پاکستانی نژاد امریکی کمیونٹی کے رہنماؤں سے ملاقات
پاکستان کو سیلاب کی تباہ کاریوں سے نمٹنے کے لئے عالمی برادری کے ٹھوس تعاون کی ضرورت ہے.اقوام متحدہ
اسلام آباد سے کراچی سفر کرنیوالی پرواز کا مسافردوران سفر انتقال کر گیا
بجلی 31.60 روپے فی یونٹ، گیس 100فیصد مہنگی کرنیکی تجویز
قرضوں کی بہتر مینجمنٹ کیلیے فوری طور پر ڈیبٹ مینجمنٹ آفس قائم
اسلام آباد میں سالِ نو کی پارٹیوں کے دوران اسمگل کی جانیوالی منشیات برآمد
احسن اقبال نے کہا کہ ہمیں اجتماعی کوششیں کرنا ہوں گی کہ ہم معاشی سیڑھی پر کیسے بڑھ سکتے ہیں۔ انہوں نے کہا کہ یہی وژن تھا جس نے چین پاکستان اقتصادی راہداری منصوبے کی طرف ہمارا سفر شروع کیا۔ وفاقی وزیر نے کہا کہ سابق وزیراعظم نواز شریف کی قیادت میں ہم نے سی پیک کا آغاز کیا اور ہم مختلف ترقیاتی منصوبوں میں 29 ارب ڈالر کی چینی سرمایہ کاری کو بروئے کار لانے میں کامیاب ہوئے۔