اداکارہ ثناء جنہوں نے فخر کے ساتھ محبت کی شادی کی تھی ، ان کے دو بچے ہیں ، شادی کے کافی برسوں کے بعد کچھ عرصہ قبل دونوں میں علیحدگی ہو گئی ہے. علیحدگی کے بعد ثناء نے فیس بک اور انسٹاگرام سے اپنا نام ثناء فخر سے ثناء نواز کر لیا تھا. کہا جا رہا ہےکہ ثناء اب جو بھی پراجیکٹس کررہی ہیں ان میں اپنا نام ثناء نواز لکھوا رہی ہیں ،انہوں نے جو بھی پراجیکٹس سائن کئے تھے ان کی تشہیر کے لئے پرڈیوسرز سے کہہ دیا ہےکہ اب میرا نام ثناء نواز لکھا جائے اور پکارا جائے. ثناء نے کہا ہے کہ ہم دونوں میں علیحدگی ہو چکی ہے لیکن اس کے باوجود میں اپنی زندگی پر بات نہیں کرنا چاہتی بس اتنا ہی کہنا چاہتی ہوں کہ مجھے ثناء فخرنہ کہا جائے. یاد رہے کہ ثناء
نواز کی حال ہی میں فلم سپر پنجابی ریلیز ہوئی ہے جس میں انہوں نے افتخار کی گرل فرینڈ کا کردار ادا کیا ہے ،شائقین نے ان کے کردار کو کافی سراہا ہے، اور کافی عرصے کے بعد ان کو بڑی سکرین پر دیکھ کر انہیں ویلکم کہا گیا ہے.
