کینیڈا میں مقیم اوورسیز پاکستانی پروفیسر نے وزیر اعظم عمران خان کو درخواست دی ہے کہ اس کے بنائے ہوئے کالج میں سابق وزیر خارجہ حنا ربانی کھر کے بھائی ایم این اے رضا ربانی کھر نے توڑ پھوڑ کی ہے۔
باغی ٹی وی : روزنامہ پاکستان کی رپورٹ کے مطابق محمد رضوان خالد نامی پاکستانی کینیڈین پروفیسر نے زوزیر اعظم عمران خان کو دی گئی درخواست میں کہا ہے کہ اس نے اپنے کولیگز کے ساتھ مل کر مظفر گڑھ میں کالج بنایا جس میں بچوں کو سکالر شپ پر داخلے دینے کا پلان تھا۔
درخواست گزار نے کہا کہ اس سے پہلے بھی وہ کئی طلبہ کو سکالر شپس دے چکے ہیں لیکن حنا ربانی کھر کے بھائی نے اپنے غنڈوں اور سرکاری حکام کے ساتھ آکر کالج میں توڑ پھوڑ کی ہے۔
درخواست گزار نے وزیر اعظم کو مخاطب کرکے کہا کہ محترم پرائم منسٹر، آپ فرماتے تھے کہ میری حکومت آئی تو گورے یہاں نوکری کیلئے آئیں گے اور اوورسیز پاکستانی بھی انویسٹمنٹ کریں گے، ہم آپ کی کال پر آگئے، کالج میں دو گورے بھی جاب کیلئے کینیڈا اور امریکہ سے آ رہے ہیں، البتہ حنا ربانی کھر جیسے جاگیر دار اسے روکنا چاہتے ہیں۔
رضوان چوہدری کینیڈا کی یونیورسٹی میں استاد ہیں اپنے آبائی علاقے مظفر گڑھ میں بہترین تعلیمی ادارہ قائم کر رہے ہیں اسکالر شپس کی بنیاد پہ پاکستان کی سابق وزیر خارجہ حنا ربانی کھر کی فیملی کے لوگو نے انکے ادارے میں توڑ پھوڑ کی دھمکیاں دیں تشدد کیا ، وزیراعظم سے نوٹس لینے اپیل کی ہے pic.twitter.com/BgtoBr3R63
— Faizullah Khan فیض (@FaizullahSwati) July 11, 2021
