لاہور:کنٹونمنٹ بورڈ انتخابات:کہیں پی ٹی آئی تو کہیں ن لیگ:ہرکوئی جیت کے دعوے کرنے لگا،طلاعات کے مطابق ملک بھرسے کنٹونمنٹ بورڈز کے انتخابات کے نتائج موصول ہونے شروع ہوگئے ہیں،
ادھر باغی ٹی وی کو اب تک موصول ہونے والے نتائج کےمطابق تحریک انصاف بہرحال ملک بھرمیں اکثرجگہ کامیاب ہوتے دکھائی دے رہی ہے ، حتمی نتائج کا انتظار ہے
گجرانوالہ کنٹونمنٹ بورڈ کے وارڈذ 1، 2، 4، 6 اور 10 سے پاکستان تحریکِ انصاف کامیاب نظرآتی ہے
ادھرابتدائی اطلاعات کے مطابق جہلم سے پاکستان تحریک انصاف کا امیدوار جیت گیا ہے اورابھی مزید وارڈز کے نتائج کا بھی انتظار ہے
کراچی سے اللہ اکبر تحریک ایک وارڈ میں کامیابی کے قریب ہے
لاہوروالٹن 2 آرے بازارسے ن لیگ کے امیدوار کے کامیاب ہونے کی اطلاعات ہیں
عسکری ضرار شہید روڈ سے پاکستان تحریک انصاف کا امیددوار کامیاب ہوا ہے
والٹن لاہور 6 سے بھی پاکستان تحریک انصاف کا امیدوار کامیاب ہوچکا ہے
راولپنڈی کنٹونمنٹ الیکشن کی وارڈ نمبر10 کے پی ٹی آئی کے ملک ساجد 127 ووٹ لے کرآگے
کنٹونمنٹ بورڈز الیکشن بنوں کے دونوں وارڈز سے تحریک انصاف نے میدان مار لیا
مردان کنٹونمنٹ بورڈ الیکشن میں جماعت اسلامی کا امیدوار حاجی محمد الطاف 313 ووٹ لیکر کامیاب۔
پی ٹی آئی کے امیدوار نے 270 ووٹ لئے
سیالکوٹ کنٹونمنٹ بورڈ سے پاکستان مسلم لیگ ن 5 سیٹوں میں سے تین سیٹیں جیت کر کنٹونمنٹ الیکشن جیت گئی ہے۔جبکہ پی ٹی آئی کے حصے میں دو سیٹیںآئی ہیں
تحریک انصاف کنٹونمنٹ الیکشن میں سب سے آگے41 سیٹوں پر تحریک انصاف لیڈ کر رہی ہے جبکہ ن لیگ 15 اور پیپلز پارٹی 12، جماعت اسلامی 6 پر آگے جارہی ہے
کراچی سے ملنے والی اطلاعات میں بتایاگیا ہے کہ منوڑا کینٹ ون میں پی پی امیدوار کامیاب، غیرسرکاری نتیجے کے مطابق محمدطیب نے 391ووٹ حاصل کئے، اسی طرح منوڑا وارڈ ٹو میں بھی پی پی کےفضل خان550ووٹ لےکرکامیاب ہوئے ہیں۔
ملتان والوں نے لگتا ہے کہ اب پارٹی بازی چھوڑ دی ہے اورآزادانہ خیالات کے مالک بن گئے ہیں ، یہی وجہ ہے کہ وارڈ نمبر2سےآزاد امیدوارغلام جیلانی کامیاب وارڈنمبر 3میں ن لیگی امیدواراختررسول کامیاب وارڈ نمبر 9 میں آزادامیدوارمحمد صادق کامیاب۔ وارڈ نمبر10 میں آزادامیدوارخورشیدخان کامیاب ہوچکے ہیں
ایبٹ آباد وارڈ نمبر2 کامرس کالج پولنگ اسٹیشن کا غیرحتمی غیرسرکاری نتیجے کے مطابق آزاد امیدوارواجد خان 114ووٹ لیکر آگے جبکہ پی ٹی آئی کےتیمورخالد104ووٹ لیکردوسرے نمبرپر ہیں۔
بلوچستان ژوب میں وارڈ نمبر1 کے غیرحتمی غیرسرکاری نتائج کے مطابق بی اے پی کے امیدواراختر گل115ووٹ لیکر آگے ہیں جبکہ پیپلزپارٹی کی امیدوارشیرین بی بی 44ووٹ لیکر دوسرے نمبرپر ہیں۔وارڈ نمبر2 کا غیرحتمی غیرسرکاری نتیجہ اے آر وائی نیوز کو موصول ہوا ہے، جس کے مطابق بی اے پی کے امیدوار جمعہ خان 59ووٹ لیکرآگے جبکہ پیپلزپارٹی کےامیدوار عمران خان 37 ووٹ لیکردوسرے نمبرپر ہیں۔
ڈیرہ اسمٰعیل خان میں وارڈ نمبر1 میں پی ٹی آئی امیدوار انورعلی75ووٹ لیکرآگے جبکہ ن لیگ امیدوار غلام سرورخان 34ووٹ لیکردوسرے نمبرپر ہیں۔
پشاور سے ملنے والے نتائج کے مطابق وارڈ نمبر5پولنگ اسٹیشن نمبر2 سے پی ٹی آئی کےامیدواراسید سیٹھی 49ووٹ لیکر آگے ہیں جبکہ پیپلزپارٹی کےشبیرحسین 29ووٹ لیکردوسرےنمبرپر رہے۔
