موغادیشو:وفاقی دارالحکومت میں کاربم دھماکے کے نتیجے میں 20 سے زائد افراد ہلاک اوردرجنوں زخمی ہوگئے ہیں ،یہ ایک ہفتے میں دوسرا دھماکہ ہےجس میں اتنے بڑے پیمانے پرہلاکتیں ہوئی ہیں ،یہ بھی معلوم ہوا ہےکہ جنوبی علاقے میں جھڑپیں بھی ہورہی ہیں
موگا دیشوسےپولیس حکام ابراہیم محمدنےدھماکےکی تصدیق کرتےہوئےبتایاکہ دھماکہ اتناشدیدتھا کہ موقع پرہی 20 افرادجان گنواں یٹھےتھےجبکہ زخمیوں اورہلاکتوں کی تعدادمیں اضافےکاخدشہ ہے۔ پولیس حکام کاکہناہےکہ بارودسےبھری کارجنکشن کےقریب ٹیکسیشن آفس سےٹکراگئی جس کے بعد زورداردھماکہ ہوا۔
عینی شاہد کاکہناہےکہ میں نے دھماکےکےبعد 22 افراد کی لاشیں بکھری دیکھی ہیں اور جائے وقوعہ پر 30 سےزائد افرادزخمی حالت میں موجود تھے ۔موغادیشو کےمئیرعمرمحمد نےمیڈیا سےبات چیت کرتےہوئے بتایا کہ کم ازکم 90 افراد جن میں زیادہ تعداد طالب علموں کی ہےزخمی ہوئے ہیں ۔
موغا دیشو کی حکومت نےہسپتال انتظامیہ کوماضی کی طرح اموات کی تعداد بتانے سے منع کردیا ہے جبکہ صحافیوں کو بھی جائےحادثہ پرجانےسےروک دیا گیا ہے ۔دوسری جانب اب تک کسی بھی گروپ کی جانب سے حملے کی زمہ داری قبول نہیں کی گئی ہے ۔ایک اورعینی شاہدجوکہ حادثےکےقریبی جگہ پرموجودتھاکاکہناہےکہ دھماکےکےنتیجےمیں آس پاس کھٹری گاڑیوں کےشیشے بھی ٹوٹ گئےہیں ۔
