سی ڈی اے انتظامیہ نے غیر قانونی ہاؤسنگ سوسائٹیوں کے کیسزز میں اہم فیصلہ کر لیا
باغی ٹی وی : سی ڈی اے انتظامیہ نے غیر قانونی ہاؤسنگ سوسائٹیوں کے کیسزز ایف آئی اے کے حوالے کرنے کا فیصلہ کیا ہے .
چیئرمین سی ڈی اے کی زیر صدارت اسلام آباد اور اسکے گردونواح میں غیر قانونی ہاؤسنگ سوسائٹیز کے خلاف کاروائی کے حوالے سے اجلاس ہوا. اجلاس میں ڈی سی اسلام آباد سی ایم او ایم سی آئی، سی ڈی اے کے شعبہ پلاننگ اور بلڈنگ کنٹرول کے افسران نے شرکت کی۔
اجلاس میں غیر قانونی ہاؤسنگ سوسائٹیز کو کام سے روکنے اور سادہ لوح شہریوں کو لوٹنے سے بچانے کےلئے مختلف اقدامات پر غور کیا گیا.
غیر قانونی ہاؤسنگ سوسائٹیز کی جانب سے سی ڈی اے اور اسلام آباد کا نام استعمال کرنے پر کاروائی کا فیصلہ کیا گیا ہے . غیر قانونی ہاؤسنگ سوسائٹیز کے کیس ایف آئی اے کو بھجوائے جائیں گے،
ابتدائی طور پر تین نجی ہاؤسنگ سوسائٹیوں کے کیسزز ایف آئی اے کو بھجوانے کا فیصلہ کیا گیا ہے ،
