عدالت نے ایم این اے چوہدری اشرف کا 2 روزہ جسمانی ریمانڈ دے دیا
ترجمان محکمہ اینٹی کرپشن پنجاب نے کہا ہے کہ محکمہ اینٹی کرپشن ایسٹیبلشمنٹ پنجاب نے گرفتار شدہ ایم این اے ن لیگ ملزم چوہدری اشرف کو ریمانڈ کے لئے اینٹی کرپشن عدالت میں پیش کیا۔ ایم این اے ملزم چوہدری اشرف کو گزشتہ روز 157 ایکڑ 1 کنال 16 مرلے سرکاری اراضی پر ناجائز قبضہ کے مقدمہ میں گرفتار کیا گیا تھا۔ عدالت میں ملزم این این اے چوہدری اشرف کی جانب سے 200 سے زائد وکلاء پیش ہوئے مگر محکمہ اینٹی کرپشن کی جانب سے ٹھوس شواہد ہونے کی بناء پر عدالت نے ایم این اے چوہدری محمد اشرف کا 2 روزہ جسمانی ریمانڈ دے دیا تاکہ ملزم سے مزید تفتیش کی جا سکے۔
ترجمان نے کہا کہ محکمہ اینٹی کرپشن ملزم سے سرکاری اراضی واگزار کروانے کے لئے موثراقدامات کر رہا ہے اور جلد سرکاری اراضی کو واگزار کروا لیا جائے گا۔اینٹی کرپشن حکام نے واضح کیا ہے کہ انہوں نے ایم این اے چوہدری محمد اشرف کو مقدمہ میں متعدد بار تفتیش کے لئے طلب کیا مگر وہ پیش نہ ہوئے جس پر انہیں گرفتار کیا گیا۔
دوسری جانب وزیراعظم شہباز شریف کی زیر صدارت وفاقی کابینہ کا اجلاس ہوا ،وفاقی کابینہ نے حکومت پنجاب کی جانب سے سینئر پارلیمنٹیرین چوہدری اشرف کو 53 سالہ پرانے کیس میں گرفتار کرنے پر افسوس کا اظہار کیا،وفاقی کابینہ نے چوہدری اشرف کی گرفتاری کی مذمت کی
ایف بی آر نے اینکر عمران ریاض خان کو نوٹس بھجوایا ہے
پی ٹی آئی کارکنان کا مسجد میں گھس کر امام مسجد پر حملہ، ویڈیو وائرل
پی ٹی آئی کے منحرف رکن اسمبلی کے گھر پر حملہ،فائرنگ،قاتلانہ حملہ کیا گیا، بیٹے کا دعویٰ
