چیئرمین اور چیف ایگزیکٹیو پی سی بی انگلینڈ سے کب پہنچیں گے واپس؟

باغی ٹی وی کی رپورٹ کے مطابق چیئرمین اور چیف ایگزیکٹیو پی سی بی کا دورہ انگلینڈ ،چیئرمین پی سی بی احسان مانی بدھ کو وطن واپس پہنچیں گے

احسان مانی اہلیہ سمیت 28 جون کو قومی ٹیم کے ہمراہ چارٹرطیارے پر انگلینڈ گئے تھے،احسان مانی دو ماہ کی چھٹیاں گذار کر بدھ کو وطن واپس پہنچیں گے ،چیف ایگزیکٹیو وسیم خان چند روز بعد وطن واپس آئیں گے،وسیم خان جولائی کے وسط میں انگلینڈ گئے تھے

قبل ازیں چیئرمین پی سی بی احسان مانی نے ایک بار پھر 2022 میں انگلینڈ کی میزبانی کا عزم دہرا دیا۔چیئرمین پاکستان کرکٹ بورڈ احسان مانی نے ایک بار پھر اس موقف کو دہرایا ہے کہ پاکستان باہمی ہوم سیریز اپنے ہی ملک میں کھیلے گا، سال 2022 ء میں انگلینڈ کا دورہ پاکستان نہ کرنے کا کوئی جوازنہیں لگتا۔

چیئرمین پی سی بی احسان مانی نے برطانوی میڈیا سے بات کرتے ہوئے کہا کہ ہماری ہوم سیریزاب کبھی نیوٹرل مقام پرنہیں ہو گی، اب ہم اپنے ہوم میچزپاکستان میں کھیلیں گے یا نہیں کھیلیں گے۔ پاکستان اب ایک محفوظ ملک ہے، پاکستان کا دورہ کرنے والی ٹیموں کو سربراہ ملک جتنی سیکیورٹی دیتے ہیں۔انہوں نے کہا کہ انگلینڈ کی ٹیم کوشیڈول کے مطابق پاکستان کا دورہ کرنا چاہیے، مجھے دورہ نہ کرنے کا کوئی جواز دکھائی نہیں دیتا۔

چیئرمین پی سی بی نے بتایا کہ ایم سی سی کی ٹیم نے یہاں اپنے دورے کے دوران گالف کھیلی، تاریخی مقامات کا دورہ کیا اور ریسٹورنٹس بھی گئی۔احسان مانی نے کہا کہ جب دو سال بعد انگلینڈ آئیگی تو حالات اور بھی بہتر ہوجائیں گے۔

چیئرمین پی سی بی احسان مانی کے سمن جاری کرنیکا فیصلہ