چیئرمین پی ٹی آئی اور شاہ محمود قریشی کے خلاف سائفرکیس میں اہم پیشرفت

آفیشل سیکرٹ ایکٹ عدالت میں چیئرمین پی ٹی آئی اور شاہ محمود قریشی کے خلاف سائفرکیس میں اہم پیشرفت ہوئی ہے-

باغی ٹی وی: آفیشل سیکرٹ ایکٹ عدالت میں کیس کی سماعت جج ابوالحسنات نے کی ،دوران سماعت سائفر کیس کا چالان جمع ہونے کے بعد جج ابوالحسنات ذوالقرنین نے نوٹس جاری کردیے-

جج ابوالحسنات نے ریمارکس دیئے کہ گواہان کے بیانات ملزمان کو نوٹس جاری کرنے کے لیے کافی ہیں، چیئرمین پی ٹی آئی اور شاہ محمود قریشی اڈیالہ جیل میں قید ہیں، چیئرمین پی ٹی آئی اور شاہ محمود قریشی کی عدالت پیشی کے حوالے سے سپرٹنڈنٹ اڈیالہ جیل کو نوٹس جاری کیاجاتاہے، سپرنڈنٹ اڈیالہ جیل 4 اکتوبر کو چیئرمین پی ٹی آئی اور شاہ محمود قریشی کو عدالت پیش کرے-

عمران خان سائفر کیس:ایف آئی اے کی سماعت اِن کیمرہ کرنے کی درخواست پر فیصلہ ..

دوسری جانب پی ٹی آئی وکیل خالدیوسف کی جانب سے دائر سائفرکیس کے نقول فراہم کرنے کی درخواست منظور کرلی گئی ،عدالتی عمل نے کہا کہ سائفرکیس کے نقول کی کاپیاں فراہم کرنے کے لیے ایک دن درکار ہوگا، عدالتی عملے نے وکیل خالدیوسف سے مکالمہ کرتے ہوئے کہا کہ چالان کے نقول پرسوں فراہم کردی جائیں گی-

90 روزمیں الیکشن نہ کروانے کا اقدام لاہورہائیکورٹ میں چیلنج