چیئرمین سینیٹ کی وفد کے ہمراہ مولانا فضل الرحمان ملاقات

چیئرمین سینیٹ محمد صادق سنجرانی کی وفد کے ہمراہ جمعیت علمائے اسلام (ف) کے سربراہ مولانا فضل الرحمان اور جے یو آئی (ف) کی قیادت سے اسلام آباد میں ملاقات ہوئی ہے جبکہ وفد میں بلوچستان عوامی پارٹی کے رہنما خالد مگسی ، پرنس احمد عمر احمدزئی اور دیگر شامل تھے جنہوں نے باجوڑ دھماکے میں ہونے والے جانی نقصان پر اظہار تعزیت کی ہے۔

چیئرمین سینیٹ محمد صادق سنجرانی نے آج وفد کے ہمراہ جمعیت علمائے اسلام (ف) کے سربراہ مولانا فضل الرحمان اور جے یو آئی (ف)کی قیادت سے اسلام آباد میں ملاقات کی اور باجوڑ دھماکے میں ہونے والے جانی نقصان پر تعزیت ، باجوڑ دھماکے کے نتیجے میں شہداکے بلندی درجات اور زخمیوں کی جلد صحتیابی… pic.twitter.com/lJj8zL2tyQ

— Office of the Chairman Senate, Pakistan (@OfficeSenate) August 5, 2023

جاری اعلامیہ کے مطابق چیئرمین سینیٹ نے باجوڑ دھماکے کے نتیجے میں شہید ہونے والے شہدا کے بلندی درجات اور زخمیوں کی جلد صحتیابی کی دعا کی ہے جبکہ چیئرمین سینیٹ کی باجوڑ دھماکے میں شہید ہونے والے افراد کے لئے فاتحہ بھی کی اور اس موقع پر انہوں نے کہا پاکستانی قوم دہشت گردی کے خلاف متحد ہے اور باجوڑ حملے کے ذمہ داران کو جلد کیفرکردار تک پہنچایا جائیگا۔
مزید یہ بھی پڑھیں؛
ریلوے کیرج فیکٹری کو آؤٹ سورس کرنے کا منصوبہ
ایلون مسک کا ایک بار پھر مارک زکربرگ کیساتھ ایم ایم اے فائٹ کا عندیہ
طالبان نے لڑکیوں پر کلاس 3 سے آگے پڑھنے پر بھی پابندی عائد کردی
پی آئی اے کی لینڈنگ کی وجہ سے سالانہ 71 ارب کا نقصان ہو رہا ہے،اسحاق ڈار
ہمارے دو تین دن رہ گئے، ڈر تھا کہ کوئی حادثہ نہ ہو جائے اور ایسا ہی ہوا،سعد رفیق

چیئرمین سینیٹ کا کہنا تھا کہ ایسے بزدلانہ حملے ملک میں امن وامان کی صورتحال کو سبوتاژ نہیں کرسکتے جبکہ چیئرمین سینیٹ نے کچھ وقت جمعیت علمائے اسلام (ف) کے سربراہ مولانا فضل الرحمان کے ساتھ بھی گزارا جبکہ مولانا فضل الرحمان نے چیئرمین سینیٹ اور وفد کا اپنے اور جماعت کی طرف سے شکریہ ادا کیا.