اسلام آباد: محکمہ موسمیات نے ملک کے بیشتر علاقوں میں موسم گرم اورخشک رہنے جبکہ چند مقامات پر گرج چمک کے ساتھ بارش کی پیشگوئی کی ہے۔
باغی ٹی وی: محکمہ موسمیات کے مطابق ملک کے بیشتر علاقوں میں موسم گرم اورخشک رہنے کا امکان ہے تاہم شمال مشرقی پنجاب اور کشمیر میں چند مقامات پر تیز ہوائیں چلنے اورگرج چمک کے ساتھ بار ش ہونے کی توقع ہےاسلام آباد اور گرد و نواح میں موسم خشک اور گرم رہنے کا امکان ہے،گلگت بلتستان میں موسم خشک اور مطلع جزوی ابر آلود رہنے کا امکان ہے، بلوچستان اور سندھ کے بیشتر اضلاع میں موسم گرم اور خشک رہنے جبکہ خیبرپختونخوا کے بالائی اضلاع میں مطلع جزوی طور پر ابر آلود رہنے کا امکان ہے۔
پی ٹی آئی کی مینار پاکستان پر جلسے کی اجازت کیلئے درخواست سماعت کیلئے مقرر
محکمہ موسمیات کی جانب سے مشرقی پنجاب میں اکثر مقامات پر بارش کاامکان ظاہر کیا گیا ہے،مری، گلیات، جہلم، گجرات، منڈی بہاؤ الدین اورگوجرانوالہ میں بارش ہونے کی توقع ہےسیالکوٹ، نارووال، شیخو پورہ، ننکا نہ صاحب، لاہور اور قصور میں بارش ہونے کا امکان ہے جبکہ اوکاڑہ، ساہیوال اور فیصل آباد میں چند مقامات پر گرج چمک کے ساتھ بارش کی توقع ہے۔
