لذیذ اور خوش ذائقہ چاولوں کا زردہ بنانے کی ترکیب

چاولوں کا زردہ
اجزاء:
سیلا چاول ڈیڑھ پیالی پانچ سے چھ گھنٹوں کے لیے بھگو دیں
چینی سوا ایک پیالی
دودھ آدھی پیالی
لونگ دو عدد
رنگین اشرفیاں چند عدد دو ٹکڑے کر لیں
زردے کا۔رنگ دو چٹکیاں
پستے پانچ عدد چھیل کر باریک کاٹ لیں
بادام پانچ عدد چھیل کر باریک کاٹ لیں
چھوٹی الائچی پانچ عدد
گھی آدھی پیالی
پانی حسب ضرورت
ترکیب:
ایک بڑی دیگچی میں کافی زیادہ پانی گرم کریں جب وہ کھولنے لگے تو بھیگے چاول ایک لونگ اور دو الائچیاں ڈال دیں چاول جب دو کنی اُبل جائیں تو چھلنی کے ذریعے پانی نکال دیں تھوڑی دیر چھلنی میں ہی رہنے دیں تاکہ اچھی طرح سے پانی خشک ہو جائے اب اُبلے ہوئے چاول ایک تسلے میں ڈال کر زردے کا رنگ اور دودھ ملائیں سارا میوہ اور چینی ملا دیں اشرفیاں بھی ملا دیں ایک دیگچی میں گھی گرم کر کے الائچی اور لونگ ڈال دیں جب خوشبو آنے لگے تو چاول ڈال دیں لکڑی کے چمچ سے تھوڑا سا چلا کر ڈھکن ڈھانک کر پانچ منٹ کے لیے تیز آنچ ہر رکھ پھر دیگچی کو توے کے اوپر رکھ دیں تھوڑی دیر تیز آنچ پھر ہلکی کر دیں یہ مقدار پانچ افراد کے لیے ہے