چیف الیکشن کمشنرکے رویئے سے لگ رہا ہے کہ وہ ن لیگ کے کارکن ہیں، فواد چوہدری

پی ٹی آئی رہنما اور سابو وفاقی وزیر اطلعات و نشریات فواد چویدری کا کہنا ہے کہ چیف الیکشن کمشنر کے رویئے سے لگ رہا ہے کہ وہ ن لیگ کے کارکن ہیں-

باغی ٹی وی : فواد چودھری کا کہنا ہے کہ چیف الیکشن کمشنر چاہتے ہیں تو ن لیگ میں عہدہ لے لیں کل پورا پاکستان چیف الیکشن کمشنر کے جانبدارانہ رویے پر احتجاج کرے گا-

الیکشن کمیشن نے پی ٹی آئی کے منحرف اراکین کو طلب کر لیا

الیکشن کمیشن کا کردار پاکستان کے مفاد کے مطابق ہونا چاہیے منحرف ارکان کیخلاف ریفرنسز ملنے کے باوجود نوٹیفکیشن کے اجراء میں کمیشن کیوں تاخیر کررہا ہے کمیشن منحرف ارکان کیخلاف فوری نوٹیفکیشن جاری کرے نوٹیفکیشن میں اجراء میں مزید تاخیر آئین سے انحراف کے مترادف ہوگی-

رہنما پی ٹی آئی اسد عمر کا کہنا تھا کہ لوگوں نے قومی اور صوبائی اسمبلی میں وفاداریاں تبدیل کیں،ابھی تک ان تمام لوٹوں کے خلاف کارروائی کیوں نہیں ہوئی؟ 25لوگ جنہوں نے ووٹ ڈالے،سب کا ریکارڈ موجود ہے-

اسد عمر نے کہا کہ ڈسکہ الیکشن میں الیکشن کمیشن رات 3 بجے بھی جاگ رہا تھا،الیکشن کمیشن سے مطالبہ ہے کہ منحرف ارکان کو فوری نا اہل کیا جائے پاکستان کے عوام تو ان لوٹوں کو پہلے ہی مسترد کر چکی ہے-

قبل ازین چئیرمین پیپیلز پارٹی بالول بھٹو کا کہنا تھا کہ مؤقف پر ڈٹے رہنے پر چیف الیکشن کمشنر ستائش کے مستحق ہیں، عمران کی سیاست "مجھے کیوں نہیں بچایا” کی مہم کے ساتھ اداروں کو نشانہ بنانے کی ہے،عمران خان کی سیاست جھوٹ اور پروپیگنڈے پر مبنی ہے-

بلاول بھٹو کا کہنا تھا کہ چیف الیکشن کمشنر اپنے ادارے اور آئین کے ساتھ کھڑے ہیں،یہ سلسلہ جاری رہا تو مستقبل میں ہم ایک مضبوط الیکشن کمیشن دیکھیں گے، الیکشن کمیشن کے خلاف احتجاج کا اعلان بلیک میلنگ اور دباؤ کا ایک حربہ ہے-

سابق وزیراعظم نواز شریف کو پاسپورٹ جاری کر دیا گیا