وزیر اعلیٰ شکایت سیل ، اختلافات کا مرکز بن گیا

لاہور: دوسروں کی شکایات کو حل کرنے والے وزیراعلیٰ پنجاب شکایت سیل میں افسران ایک دوسرے کی شکائتیں لگانے لگے. تقرریوں پر چیئرمین اور وائس چیئرمین آمنے سامنے آگئے، اسد کھوکھر کی جانب سے کی جانے والی تقرریوں پر وائس چیئرمین ناصر سلمان نے تحفظات کا اظہارکردیا۔
ذرائع کے مطابق صورت حال یہ ہے کہ چیئرمین وزیراعلیٰ پنجاب شکایت سیل کی جانب سے مختلف اضلاع کیلئے چیئرمینوں کا تقرر اختلافات کی نذر ہوگیا، اسد کھوکھر کی جانب سے گئی تقرریوں پر وائس چیئرمین ناصر سلمان نے مشاورت نہ کرنے کا گلہ کردیا۔
وائس چیئر مین ناصرسلمان کے مطابق کی جانے والی تقرریوں پر نہ اعتماد میں لیا گیا او نہ ہی مشاورت کی گئی، ان کا کہنا تھا کہ طے ہے کہ شکایت سیل میں تعیناتیاں پارٹی اعلیٰ قیادت کی مشاورت سے ہی ہونگی