چلڈرن اسپتال لاہور میں پاکستانی ڈاکٹروں کا بڑا کارنامہ
چارہ کے ٹوکہ مشین سے کٹنے والے بچے کے دونوں ہاتھوں کی کامیاب سرجری کر دی. بصیر پور اوکاڑہ کے رہائشی 5 سالہ بچے کے دونوں ہاتھ ٹوکہ مشین میں آگئےاورہاتھ کلائی تک کٹنے سے الگ ہوگئے. چلڈرن اسپتال میں 12گھنٹے کے طویل آپریشن سے بچے کے کٹے ہوئے دونوں ہاتھ دوبارہ جوڑ دیئے گئے.
چلڈرن اسپتال کے سینئر پلاسٹک سرجن ڈاکٹر اسلم راؤ کی سربراہی میں چار رکنی ٹیم نے آپریشن کیا. ڈاکٹر اسلم راؤ کے مطابق پانچ سال کے بچےکاشف کو ہاتھ کٹنے پر ڈی ایچ کیو اوکاڑہ منتقل کیا گیا جہاں سے بچے کو چلڈرن ہسپتال لاہور ریفر کر دیا گیا،چلڈرن اسپتال کی ٹیم نے پاکستان کی تاریخ میں دونوں کٹے ہاتھ دوبارہ جوڑ دیئے. ڈاکٹر اسلم راؤنے بتایا کہآ آپریشن کے بعد بچے کو وارڈ میں شفٹ کر دیا گیا ہے.بچے کا آپریشن کامیاب ہوا اور وہ روبصحت ہے.
