چوہان صاحب،شہباز شریف کے پروجیکٹس پر مہریں لگانے سے وہ آپکے نہیں بن جائیں گے، عظمیٰ بخاری

چوہان صاحب،شہباز شریف کے پروجیکٹس پر مہریں لگانے سے وہ آپکے نہیں بن جائیں گے، عظمیٰ بخاری

باغی ٹی وی کی رپورٹ کے مطابق مسلم لیگ (ن) پنجاب کی ترجمان عظمیٰ بخاری نے فیاض چوہان کے بیان پر ردعمل میں کہا ہے کہ سولر پاور پروجیکٹ شہبازشریف کا پروجیکٹ ہے اور بیان جاری کرنے سے پہلے نیپرا سے ہمارے دور کے ٹیرف کی معلومات تو لے لیتے

عظمیٰ بخاری کا کہنا تھا کہ شہباز حکومت نے اس منصوبے میں ڈھائی ارب روپے کی بچت کی،آپ کا پراپیگنڈہ کام نہیں آئے گا، چوہان صاحب اب آپ پر ترس آتا ہے،آپ لوگ دو سالوں میں ایک بھی اپنا پروجیکٹ شروع نہیں کر سکے،تمام پروجیکٹس پر نئے پاکستان کی مہریں لگانے سے وہ پروجیکٹس نئے پاکستان کے نہیں ہو جائیں گے ،یہ تمام پروجیکٹس شہبازشریف کے اور پرانے پاکستان کے ہی رہیں گے

عظمیٰ بخاری کا مزید کہنا تھا کہ چوہان صاحب آپ کے وزیراعظم اور وزیراعلیٰ جن ٹھنڈے کمروں میں مزے سے بیٹھتے ہیں وہ نوازشریف اور شہبازشریف کے بجلی کے منصوبے کی وجہ سے ہی ٹھنڈے ہیں،چوہان صاحب آپ لوگ دو سالوں میں ایک بھی بجلی کا یونٹ نہیں بناسکے،ان لوگوں کو پکی پکائی ملی ہے وہ بھی ہضم نہیں ہورہی،ماضی میں عمران خان انہی منصوبوں پر الزامات لگاتے ہیں

عظمیٰ بخاری کا مزید کہنا تھا کہ سی پیک سمیت مزید کئی منصوبوں پر سرمایہ کاروں نے ہاتھ روک لیا ہے،پرانے پاکستان کو بدنامی اور اندھیرے نہ دیں ،ہم نے اس پاکستان کو آگے لے کر جانا ہے