چوروں سے ایوارڈ نہیں لوں گا، کمیونٹی رہنما نے محفل کو ہکا بکا کردیا

باغی ٹی وی : لندن میں ایوارڈز کی تقریب کے دوران کمیونٹی رہنما نے سابق وفاقی وزیر عابد شیر علی سے ایوارڈ لینے سے انکار کر دیا۔:یہ کہہ کر انکار کردیا چوروں سے ایوارڈ نہیں لوں گا.

لندن کے مقامی ہوٹل میں ایک نجی اخبار کی طرف سے کمیونٹی ایوارڈز کی تقریب جاری تھی جس میں عابد شیر علی کو ایوارڈز تقسیم کرنے کیلئے مدعو کیا گیا۔

“چوروں سے ایوارڈ نہیں لوں گا” لندن میں ایوارڈز کی تقریب کے دوران کمیونٹی رہنما نے سابق وفاقی وزیر عابد شیر علی سے ایوارڈ لینے سے انکار کر دیا۔ pic.twitter.com/mS8iPbjhTN

— Zulqarnain Haider (@zulqarnainARY) March 1, 2020

صورتحال اس وقت دلچسپ ہو گئی جب گزشتہ چالیس سال سے کمیونٹی کی خدمت کے کام میں مصروف عطاء الرحمٰن نامی کمیونٹی رہنما کو ایوارڈ کیلئے بلایا گیا تو انہوں نے ایوارڈ لینے کی بجائے میزبان سے مائیک لے لیا اور عابد شیر علی کی طرف اشارہ کرتے ہوے کہا کہ “میں چوروں سے ایوارڈ نہیں لوں گا.
اس موقع پر حاضرین محفل مسلم لیگ ن اور سابق وزیر اعظم میاں نواز شریف کے خلاف نعرے لگاتے رہے،ہال کے اندر پاکستان تحریک انصاف کے حامی بھی موجود تھے۔ اس موقع پر عابد شیر علی تقریب ادھوری چھوڑ کر چلے گئے ۔واقعے کے بعد گفتگو کرتے ہوئے عابد شیر علی نے کہا کہ ہم ایک مہذب معاشرے میں رہتے ہیں، ہمیں ایک دوسرے پر کیچڑ اچھالنے کی بجائے پاکستان کے مثبت تشخص کو اجاگر کرنے کیلئے کام کرنا چاہئیے۔