پاک فوج کی جانب سے مسیحی برادری کو کرسمس کی مبارکباد

راولپنڈی :پاک فوج کی جانب سے مسیحی برادری کو کرسمس کی مبارکباد ،اطلاعات کے مطابق ملک کی عسکری قیادت نے کرسچنز کے مذہبی تہوار کرسمس کے موقع پر مسیحی برادری کو مبارکباد پیش کی ہے۔

پاک فوج کے شعبہ تعلقات عامہ آئی ایس پی آر نے ایک بیان جاری کیا ہے جس میں چیئرمین جوائنٹ چیفس آف اسٹاف کمیٹی اور سروسز چیفس کی جانب سے تہنیتی پیغامات دیئے گئے ہیں۔

CJCSC & Services Chiefs extend felicitations to Christian community in Armed Forces and across Pakistan on #Christmas. From the creation of Pakistan to date their sacrifices and contributions in service of Pakistan are phenomenal. #MerryChristmas🎄

— DG ISPR (@OfficialDGISPR) December 25, 2021

عہدیداران نے مسلح افواج میں موجود اور ملک بھر میں مسیحی برادری کو کرسمس کی مبارکباد دی، عسکری قیادت کا کہنا ہے کہ قیام پاکستان سے لے کر اب تک وطن عزیز کیلئے مسیحی برادری کی قربانیاں اور خدمات بےمثال ہیں۔

عسکری قیادت نے کہا کہ تعلیم، صحت، سماجی بہبود کے شعبے میں مسیحی برادری کی کاوشیں قابل تعریف ہیں۔ مادر وطن کے دفاع کے لیے بھی مسیحی برادری کا کردار قابل تحسین ہے۔

اس سے پہلے پاکستان سمیت دنیا بھر میں کرسمس منایا جارہا ہے، وزیراعظم عمران خان نے مسیحی برادری کو مذہبی تہوار کی مبارک باد دی ہے۔

سماجی رابطے کی ویب سائٹ ٹوئٹر پر جاری اپنے پیغام میں وزیراعظم نے لکھا کہ “اپنے تمام مسیحی شہریوں کو دل کی گہرائیوں سے کرسمس کی مبارکباد پیش کرتا ہوں”۔

اپنے پیغام میں وزیراعظم نے کہا کہ کرسمس کی تقریبات ہمیں عالمگیر محبت، بھائی چارے، رواداری اور کا سبق سکھاتی ہیں جو کسی بھی معاشرے کی ترقی کا باعث بنتی ہیں۔

Wishing all our Christian citizens a very Happy Christmas.

— Imran Khan (@ImranKhanPTI) December 25, 2021

وزیراعظم نے کہا کہ حضرت عیسیٰ علیہ السلام کی پیدائش پوری انسانیت اور دنیا کے لیے امن، بھائی چارے، رواداری اور عقیدت کی علامت سمجھی جاتی ہے۔

وزیراعظم نے کہا کہ ملک کے دفاع، تعلیم، صحت اور معاشی ترقی کے شعبوں میں مسیحی برادری کی مخلصانہ اور گراں قدر خدمات ہمیشہ قابل تحسین رہی ہیں، ریاست کے مساوی شہری ہونے کے ناطے حکومت انہیں قومی ترقی کے لیے اپنی صلاحیتوں کو بروئے کار لانے کا اختیار دے گی۔

وزیراعظم کا مزید کہنا تھا کہ ہماری پالیسیاں تمام مذاہب کے لوگوں کے درمیان ہم آہنگی اور اتفاق پیدا کرنے کے لیے تیار کی گئی ہیں، حکومت اقلیتوں کو قومی دھارے میں شامل کرنے کے لیے اقدامات کو اپنا فرض سمجھتی ہے تاکہ وہ معاشرے میں فعال شہری کے طور پر اپنا کردار مثبت انداز میں ادا کرسکیں اور اس ملک کو ترقی کی راہ پر گامزن کرنے میں مدد کریں۔