سول ایوی ایشن، پی آئی اے یا اے ایس ایف کے دفاتر اسلام آباد منتقل نہیں‌ ہو رہے، غلام سرور خاں

سی اے اے، پی آئی اے یا اے ایس ایف کے صدر دفاتر اسلام آباد منتقل نہیں کیے جارہے، یہ اعلان وفاقی وزیر ہوابازی غلام سرور خان نے جمعرات کے دن کراچی میں پریس کانفرنس کے دوران کیا ،

باغی ٹی وی کی رپورٹ کے مطابق وفاقی وزیر ہوابازی کا کہنا تھا کہ ضرورت پڑنے پر مزید افرادی قوت کو اسلام آباد منتقل کیا جاسکتا ہے، سی اے اے کے ریگولیٹری اور ائیرپورٹ سروسز فنکشنز کو علیحدہ کرنے کا معاملہ پر غلام سرور خان کا کہنا تھا کہ نہ ڈائون سائزنگ ہوگی نہ ہی کسی ملازم کے مالی فوائد اور ذمہ داریاں تبدیل ہونگی،

انہوں نے کہا کہ فضائی حدود کی بندش سے پاکستان کے مقابلے میں بھارت کو زیادہ خسارہ ہوا تاہم پاکستان نے خطے کی ہوابازی کی صنعت کے مفاد میں فضائی حدود کھول دیں۔