وزیراعلیٰ پنجاب ان ایکشن، اراکین اسمبلی کو دیا حکم، وزیراعلیٰ آفس میں مختلف اضلاع سے تعلق رکھنے والے اراکین قومی و صوبائی اسمبلی نے ملاقات کی
لاہور۔26 اکتوبر(اے پی پی )وزیراعلیٰ پنجاب سردار عثمان بزدار سے وزیراعلیٰ آفس میں مختلف اضلاع سے تعلق رکھنے والے اراکین قومی و صوبائی اسمبلی نے ملاقات کی۔ اراکین اسمبلی نے اپنے حلقوں کے مسائل سے وزیراعلیٰ کو آگاہ کیا۔ وزیراعلیٰ نے مسائل کے حل کی یقین دہانی کرائی۔ ملاقات میں ترقیاتی منصوبوں اور فلاح عامہ کے پروگرام کے حوالے سے بھی تبادلہ خیال کیا گیا۔
نواز شریف کی رہائی کا پروانہ جاری، وزیراعلیٰ پنجاب کی عدالت طلبی
وزیراعلیٰ عثمان بزدار نے اس موقع پر گفتگو کرتے ہوئے کہا کہ ایک ایک لمحہ قیمتی ہے، انتشار کی سیاست میں وقت ضائع کرنا ملک و قوم سے زیادتی ہے۔ سیاسی قوتوں کو موجودہ حالات میں بالغ نظری اور دور اندیشی کا مظاہرہ کرنے کی ضرورت ہے۔ ترقی کے سفر کو افراتفری کی سیاست کی نذر کرنا دانشمندی نہیں اور منفی سیاست کرنے والوں کو جوش کی بجائے ہوش کا دامن تھامنا چاہیئے۔
نواز شریف کی صحت ، باغی ٹی وی پر 2 ستمبر کو شائع خبر کی ڈاکٹرز نے کی تصدیق
نواز شریف کو ہارٹ اٹیک …پنجاب انسٹی ٹیوٹ آف کارڈیالوجی کے سربراہ کو بلا لیا گیا
انہوں نے کہا کہ تبدیلی سے خوف زدہ عناصر صرف تنقید برائے تنقید کر رہے ہیں۔ تنقید کی پرواہ نہیں، عوامی خدمت کا سفر جاری رہے گا اور پاکستان میں صرف عوام کی خوشحالی کی سیاست ہوگی۔ 22 کروڑ عوام کبھی بھی ایسے عناصر کا ساتھ نہیں دیں گے جو ذاتی مفادات کی خاطر ملک میں عدم استحکام پھیلانا چاہتے ہیں۔
وزیراعلیٰ نے کہا کہ اراکین اسمبلی عوام سے رابطے مزید بڑھائیں اور ان کے مسائل کے حل کیلئے کوئی کسر اٹھا نہ رکھیں۔ وزیراعلیٰ سے ملاقات کرنے والو ں میں مہر غلام محمد لالی،روبینہ جمیل، فوزیہ بہرام، فرخ الطاف، بریگیڈیئر (ر) راحت امان اللہ بھٹی، کرامت کھوکھر، مامون تارڑ، پاکپتن سے پاکستان تحریک انصاف کے ٹکٹ ہولڈر محمد شاہ کھگہ اور دیگر شامل تھے۔
