وزیر اعلی پنجاب کی صدر آزاد کشمیر کو زلزلہ متاثرین کی مدد کیلئے ہر ممکن تعاون کی پیشکش
وزیراعلیٰ پنجاب سردار عثمان بزدارنے آزاد کشمیر کے صدر سردار مسعود خان سے ٹیلیفونک رابطہ کیا اور میر پور میں زلزلے کے باعث جانی و مالی نقصان پر گہرے دکھ اور افسوس کا اظہارکیا-
باغی ٹی وی کی رپورٹ کے مطابق وزیر اعلی نے جاں بحق افراد کے لواحقین سے دلی ہمدردی ا ورتعزیت کا اظہار کیا ہے – وزیر اعلی نے زخمیوں کیلئے جلد صحتیابی کی دعا بھی کی ہے -وزیر اعلی نے صدر آزاد کشمیر کو زلزلہ متاثرین کی مدد کیلئے ہر ممکن تعاون کی پیشکش کرتے ہوئے کہا کہ پنجاب حکومت زلزلہ متاثرین کے ساتھ ہے – انہوں نے کہا کہ ہم مشکل کی گھڑی میں اپنے متاثرہ بہن بھائیوں کو تنہا نہیں چھوڑیں گے اور زلزلہ متاثرین کی مدد کیلئے ہر وقت حاضر ہیں –
زلزلے سے میرپور کے بعد جہلم ،لاہور، بھمبر میں بھی ہوئیں اموات
وزیر اعلی نے کہا کہ ڈپٹی کمشنر جہلم کو فوری طور پر میرپور بھیج دیا ہے -ایمبولینسزاور ریسکیورزکو بھی میرپور بھجوادیا گیا ہے – انہوں نے کہا کہ زخمیوں کے علاج معالجے کیلئے بھی قریبی ہسپتالوں میں ایمرجنسی نافذ کر دی گئی ہے –