وزیراعلیٰ پنجاب عثمان بزدار کا پی ڈی ا یم قیادت کو اہم پیغام

لاہور میں عثمان بزدار کی لاہور میں میڈیا سے گفتگو کی جس میں وزیراعلیٰ کا کہنا تھا کہ پی ڈی ایم کا لانگ مارچ شروع ہونے سے پہلے ہی اپنے منطقی انجام تک پہنچ چکا ہے، لانگ مارچ کا شوشہ چھوڑنے والے پاکستان کی ترقی کا سفر روکنا چاہتے تھے، مفاد پرستوں کے اس ٹولے نے عوام کو گمراہ کرنے کی کوشش کی ہے۔

وزیراعلیٰ کا کہنا تھا کہ اللہ تعالیٰ کے فضل وکرم اور عوام کی حمایت سے پی ڈی ا یم کی ہر سازش ناکام رہی ہے اور وزیراعظم عمران خان کی شفاف سیاست کے سامنے یہ غیر فطری اتحاد کوئی حیثیت نہیں رکھتا- اُن کا کہنا تھا کہ عوام کے سامنے اس ٹولے کی گھٹیاسیاست بے نقاب ہوچکی ہے۔ مرکز کے بعد پنجاب میں بھی پی ڈی ایم ناکام رہی او رآخر کار یہ خود مکافات عمل کا شکار ہوئی اور قوم کے ٹھکرائے ہوئے عناصر کو انتشار کی سیاست چھوڑ کر مثبت رویہ اختیار کرنا چاہیے۔