وزیراعلیٰ پنجاب چودھری پرویز الٰہی سے سر گنگا رام کی پڑپوتی کیشا رام ہنسڈالے کی ملاقات ہوئی ہے
کیشا رام ہنسڈالے کے شوہر جیکب کرتاؤ ہنسڈالے بھی اس موقع پر موجود تھے ،وزیراعلیٰ چودھری پرویز الٰہی نے سر گنگا رام کی سماجی شعبے میں گراں قدر خدمات کو سراہا .وزیراعلیٰ چودھری پرویزالٰہی نے اندرون لاہورٹیکسالی گیٹ میں گنگارام کی رہائش گاہ کی بحالی کا اعلان کر دیا ور کہا کہ گنگارام کی رہائش گاہ کی تزئین و آرائش کی جائے گی۔ گنگارام کی رہائش گاہ کو میوزیم بنائیں گے۔ گنگا رام نے بلا رنگ و نسل لوگوں کی خدمت کی۔ گنگا رام نے انسانیت کی خدمت کیلئے اپنی زندگی وقف کی۔ دکھی انسانیت کی خدمت کرنے والوں کو دنیا کبھی نہیں بھولتی۔ گنگا رام آج بھی دلوں میں زندہ ہیں۔میں نے اپنے سابق دور میں گنگارام ہسپتال میں 200بستروں پر مشتمل نیا ایمرجنسی بلاک بنایا۔ اب اس ہسپتال میں مدر اینڈ چائلڈ بلاک کے پہلے فیز کا افتتاح کردیاہے۔ پنجاب کے سرکاری ہسپتالوں کی تمام ایمرجنسیز میں ادویات مفت مل رہی ہیں۔ ہیلتھ کارڈ کے ذریعے پنجاب کا ہر شہری سالانہ 10لاکھ روپے تک فری علاج کرا سکتا ہے۔ جدید ٹیکنالوجی سائبر نائف کے ذریعے کینسر کے علاج کو بھی ہیلتھ کارڈ میں شامل کیاہے۔پنجاب حکومت نے ہیلتھ کارڈ کے ذریعے فری علاج کی سہولت پر سالانہ 125ارب روپے مختص کئے ہیں۔
وزیراعلیٰ پنجاب چودھری پرویز الٰہی سے سر گنگا رام کی پڑپوتی کیشا رام ہنسڈالے (Ms. Kesha Ram Hinsdale) کی ملاقات#baaghitv #pakistan #punjab @ChParvezElahi pic.twitter.com/ovTOqgMn35
— Baaghi TV باغی ٹی وی (@BaaghiTV) November 23, 2022
کیشا رام ہنسڈالے کا کہنا تھا کہ میں نے گنگارام ہسپتال کا دورہ کیا،مریضوں کو مفت ادویات بھی مل رہی ہیں اوربہترین علاج بھی۔گنگارام ہسپتال میں مدر اینڈ چائلڈ بلاک کو دیکھ کر دلی خوشی ہوئی ہے۔ وزیراعلیٰ چودھری پرویزالٰہی کا شعبہ صحت میں عام آدمی کی سہولت کے لئے حقیقی معنو ں میں کام نظر آتا ہے۔ کیشا رام ہنسڈالے نے گنگارام کے گھر کی تزئین وآرائش کے اعلان پر وزیراعلیٰ چودھری پرویزالٰہی کا شکریہ ادا کیا اور کہا کہ آپ کایہ کام میں کبھی بھلا نہیں سکتی۔
ممنوعہ فنڈنگ کیس،الیکشن کمیشن نے فیصلہ سنا دیا،تحریک انصاف "مجرم” قرار’
اکبر ایس بابر سچا اور عمران خان جھوٹا ثابت ہوگیا،چوھدری شجاعت
عمران خان چوری کے مرتکب پارٹی سربراہی سے مستعفی ہونا چاہیے،عطا تارڑ
صوبائی وزیر سپیشلائزڈ ہیلتھ کیئر اینڈ میڈیکل ایجوکیشن ڈاکٹر یاسمین راشد،چیف سیکرٹری پنجاب عبداللہ خان سنبل، سابق وفاقی سیکرٹری و چیئرمین پلاننگ اینڈ ڈویلپمنٹ بورڈ سلمان غنی،سابق پرنسپل سیکرٹری وزیراعلیٰ جی ایم سکندر،، وائس چانسلر فاطمہ جناح میڈیکل کالج یونیورسٹی پروفیسر خالد مسعود گوندل،، پرووائس چانسلر فاطمہ جناح میڈیکل کالج یونیورسٹی پروفیسر ڈاکٹر شمسہ ہمایوں، سیکرٹری سپیشلائزڈ ہیلتھ کیئر اینڈ میڈیکل ایجوکیشن،سیکرٹری پنجاب اسمبلی، چیف آپریٹنگ آفیسر فیروز سنز لیبز عثمان خالد وحید، عامر ظفر، سکندر زمان اور متعلقہ حکام بھی اس موقع پر موجود تھے
