باغی ٹی وی کی رپورٹ کے مطابق وزیراعلیٰ پنجاب سردار عثمان بزدار سے معروف عالم دین مولانا طارق جمیل کی ملاقات ہوئی ہے
وزیراعلیٰ پنجاب نے انسداد کورونا اورانسداد پولیوکیلئے مولانا طارق جمیل اورعلمائے کرام کے کردار کو سراہا،وزیراعلیٰ پنجاب کا کہنا تھا کہ علمائے کرام نے ہمیشہ قومی ایشوز پر فعال کردارادا کیا ہے۔ حکومت علمائے کرام کی قومی اوردینی خدمات کی معترف ہے۔ کورونا وباء کے دوران بھی علمائے کرام کا تعاون لائق تحسین ہے۔ انسداد پولیو کیلئے علماء کرام کا موثر کردار کلیدی اہمیت رکھتا ہے۔
وزیراعلیٰ پنجاب سردار@UsmanAKBuzdar
سے معروف عالم دین مولانا طارق جمیل کی ملاقات.▪︎وزیراعلیٰ پنجاب نے انسداد کورونا اور انسداد پولیو کیلئے مولانا طارق جمیل اور علمائے کرام کے کردار کو سراہا۔
▪︎مولانا طارق جمیل نے وزیراعلیٰ پنجاب کے عوامی خدمت کے جذبے کو سراہا
1/2 pic.twitter.com/VoB8eDhrzg— EX CM Usman Buzdar Updates (@CHIEF_CHANNEL) September 22, 2020
وزیراعلیٰ پنجاب عثمان بزدار کا کہنا تھا کہ علماء کرام نے ہمیشہ معاشرتی، سماجی اور اخلاقی اقدار کے تحفظ کیلئے بھرپور کردار ادا کیا ہے۔ علماء کرام کا موثر کردار اس موذی مرض کے خاتمے میں ممدو معاون ثابت ہوگا۔ یہ ہمارا قومی مسئلہ ہے اور اس سے نمٹنے کیلئے سب کو مل کر کام کرنا ہوگا۔ علماء کرام نے ہمیشہ قومی ذمہ داری احسن طریقے سے نبھائی ہے۔ علماء کرام نے ہر موڑ پر اور ہر مشکل کی گھڑی میں حکومت کی رہنمائی کی ہے۔
مساجد میں جانے سے اگر بیماری پھیلتی ہے تو جان کی حفاظت بھی ہمارے دین کا حصہ ہے، مولانا طارق جمیل
وزیراعلیٰ پنجاب عثمان بزدار کا مزید کہنا تھا کہ انتہاپسندی کے خلاف فکری اور نظریاتی جنگ میں بھی علمائے کرام کا کردار لائق تحسین ہے۔
مولانا طارق جمیل نے وزیراعلیٰ پنجاب کے عوامی خدمت کے جذبے کوسراہا
موٹروے زیادتی کیس، مولانا طارق جمیل کا بیان، سوشل میڈیا پر بحث جاری
